سەرچاوەیەكی تەناهی لە پارێزگای دیالە ئەمڕۆ رای گەیاند، شەوی رابردوو لە گوندێكی دیالە، تاوانی كوشتن رووی دا كە بووە هۆی كوشتنی سێ كەس كە یەك لەوان ژنە.
پێگەی "
شەفەق نیوز" ئەمڕۆ سێشەم 14ی ئایار بڵاوی كردووەتەوە، بەپێی گوتەی سەرچاوە تەناهییەكە، شەوی رابردوو كێشە كەوتە نێوان دوو هاوسەر و برایەكی ژنەكە، بەهۆیەوە تەقەیان لە یەكتر كردووە و هەرسێكیان كوژراون.
ئاماژە دراوە كە رووداوەكە لە گوندی خرناباتی نزیكی شاری بەعقووبە بووە، هەردوو هاوسەر بە تەقەی برای ژنەكە كوژراون، لە دوای ئەوەی تەقەیان لە یەكتر كردووە و برای ژنەكە بریندار بووە، دواتر ئەویش گیانی لە دەست دا.
سەرچاوەكە ئەوەشی گوت كە بەپێی زانیارییەكان، كێشەكە خێزانی و كۆمەڵایەتی بووە و تەرمی هەرسێ كوژراویش بۆ پزیشكی داد گوازراونەتەوە و لێكۆڵینەوەی وردیش لە رووداوەكە دەكرێت.