ب هەلکەفتا ڕۆژا جیهانیا نەخۆشیا هیموفلیایێ، چەجد چالکی ل دهۆکێ ب رێفەچون، دیڤ زانیاریان پتری 200 کەس ل پارێزگەها دهۆکێ توشی نەخوشیا ناڤبری بوینە.
د.حەسەن عەبدوللاد، ژ رێڤەبەریا گشتی یا ساخلەمییا دهۆکێ دیارکر، رێڤەبەریا گشتی یا ساخلەمیا پارێزگەها دهۆکێ بەردەوام ب رێیا سەنتەرێ ژین یێ نەخۆشیێن خوینێ و پەنجەشێرا زارۆکان پشتەڤانیا تووشبوویێن هیموفیلیایێ دکەت و بۆ "وشە" گۆت: ئەڤ پشتەڤانیە بوویە ئەگەر خزمەت و دابینکرنا چارەسەریێ بۆ نەخۆشان د بەردەوام بن بو هندێ ئاستێ نەخوشیێ کێمتر بیت.
د.ئومێد عدنان، بەرپرسێ پشکا خوینبەربوونێ ل سەنتەرێ ژین دیارکر کو هیموفیلیا نەخۆشیەکا بۆماوەی یە و ژ دایکێ بۆ زارۆکی دهێتە ڤەگۆهاستن و بۆ "وشە" گۆت: نوکە پتری 200 تووشبوویێن هیمۆفیلیایێ ل سەنتەرێ مە هاتینە تومارکرن کو رێژا بلند ژێ 100 تووشبوویێن جورێ Aی بخوڤە دگرن و 21 ژی ژ جورێ Bی، ئەڤ ئامارە ئاوارە و پەنابەران ژی ب خۆڤە دگریت.
ژلایەکێ دنڤە، ئەمین حەجی ئەمین، بەرپرسێ کۆمەلا هیموفیلیا ل پارێزگەها دهۆکێ دیارکر کو ل دەستپێکا دانانا کۆمەلا وان تنێ 23 نەخۆش هەبون و چۆت، سۆپاسیا ساخلەمیا دهۆکێ دکەین کو بەردەوام پشتەڤانیێ ل نەخۆشان دکەت، دخوازین کو دایباب هەڤکاربن بۆ برنا زارۆکێن تووشبوی بۆ سەنتەری ل دەمێن پێدڤی داکو ل سەر وی گران نەبیت، .
ڕۆژا جیهانیا نەخۆشیا هیموفیلیایێ ب چەند چالاکی و سترانان و بەلافکرنا دیاریان لسەر نەخۆشان ب دووماهی هات و چەند ئامار ژی ل بارا توشبون و چارەسەربون و خوە پاراستنێ هاتنە بەلاڤکرن.
دهۆک، نەوزاد هلۆری: