وردەكاری رووداوێكی شەڕ لە هەولێر

:: AM:09:08:03/07/2020 ‌
شەوی رابردوو لە ئەنجامی شەڕێكدا لە بنەسڵاوە كەسێك كوژرا. پۆلیس دەڵێ‌، شەڕەكە بەهۆی دەمەقاڵێوە بووە.

شایەتحاڵێك بە "وشە"ی راگەیاند، شەڕەكە بەهۆی دەماقاڵێی نێوان دوو كەس بووە و ئەوەی كوژراوە بە هەڵە كوژراوە، چونكە هەوڵی داوە كۆتایی بە شەڕی دوو كەس بێنێت.

لای خۆیەوە هۆگر عەزیز گوتەبێژی پۆلیسی هەولێر بۆ "وشە" گوتی، كوژراوەكە ناوی (م.ئ) و خاوەنی نووسینگەی خانوبەرە بووە.

هەروەك دووپاتی كردەوە كە ئەو دوو كەسەی بەشەڕ هاتوون گیراون و پەراوی لێكۆڵینەوەیان بۆ كراوەتەوە.

ماوەیەكە لە هەرێمی كوردستان رووداوە كۆمەڵایەتییەكان و كوشتن و شەڕكردن روو لە زیاد بوونن.




وشە - سه‌رخێڵ هاشم

ئه‌م بابه‌ته 4398 جار خوێنراوه‌ته‌وه‌‌