دەمەکێ کێم بەری نوکە دوو کەس د رووبارێ خابیر یا سەر ب زاخۆ خەندقین، دوو کەس ژی ئەڤرۆ ئێڤاری هاتنە رزگارکرن.
بێوار عەبدولعەزیز، بەرپرسێ راگەهاندنا بەرەڤانیا باژێری ل دهۆکێ بۆ "وشە" گوت، دەمەکێ کێم بەری نوکە دوو وەلاتی د ئاڤا رووبارێ خابیری ل زاخۆ خەندقین.
زێدەتر گوت "ئەو دوو کەسە گەنجن و ب مەرەما مەلەڤانیان قەستا رووباری کربوون، روودان ل نێزیک گوندێ چەم باهیڤ روودایە و ژیێن وان نێزیکێ 18 سالیێ نە، لاشێن وان هاتینە دەرئینان و رەوانەکرن بو نوژداریا دا"
هەر ئەڤرۆ ل رووبارێ خابیری دوو کەس ژلایێ تیمێن نقومڤانان هاتینە رزگارکرن.
ئەڤ سالە ل پارێزگەها دهۆکێ نێزیکێ 15 کەسان د ئاڤێن رووبار و بەنداڤان دا خەندقینە