دیاره ههر ژ كهڤن ههتا نوكه بهرههمئینانا هژیرا ل دهڤهردارییا ئاكرێ دهێته چاندن و جور و كوالێتیا وێ نمرا پیڤاى دشكێنیت، ئهڤ ساله دوو هزار و 200 تهنێن هژیر ل دهڤهردارییا ئاكرێ هاتینه بهرههمئینان، بهلێ جوتیار گلهیێ ل نهبوونا بازاڕى دكهن.
ل دهڤهردارییا ئاكرێ 54 هزار دارێن هژیرا ههنه
ههیسهم زێبارى، وهلاتیهكێ دهڤهرا دینارتێ یه بۆ "وشه" دیاركر كو ئهوى ئهڤ ساله رێژهییهكا باش یا هژرا بهرههمئینایه و رۆژانه رهوانهى بازاڕان دكهت.
زێدهتر گۆت "باشترین جور و كوالێتیا هژیرا ل كوردستانێ دكهڤیته دهڤهرا ئاكرێ ب تایبهتى دینارته و بجێل، سوپاس بۆ خودێ ئهڤ ساله ژى ئهم شیاین بهرههمێ خوه رهوانهى بازاڕێن نافخوه ل ئاكرێ و ههولێر و دهۆكێ بكهین، بهلێ كێشه ئهوه بهایێ وێ وهكو پێدڤى نینه و زیانێ ب جوتیاران دگههینیت"
ئهحمهد جهمیل ئهبو زێد، رێڤهبهرێ چاندنا ئاكرێ بۆ "وشه" دیاركر كو بهرههمئینانا هژیرا ل دهڤهرا ئاكرێ سال بۆ سالێ د زێدهبوونێ دایه و ئهڤ ساله زورترین و باشترین هژیر هاتینه بهرههمئینان.
زێدهتر گۆت "بۆ ئهڤ ساله ل دهڤهردارییا ئاكرێ 54 هزار دارێن هژیرا ههنه و دوو هزار و 200 تهنێن هژیرا هاتینه بهرههمئینان، ههر چهنده ل ههموو دهڤهردارییا ئاكرێ ههیه و دهێته بهرههمئینان و فروتن، بهلێ ناوچهداریێن دینارته و بجێلێ زوترین جور و رێژهییا هژیرا هاتیه بهرههمئینان"
ناڤبرى دیاركر ژى كو ژبلى فروتنا هژیرا، ههڤدهم ل دهڤهرا ئاكرێ سالانه رێژییهكا زورا شتلێن هژیرا دچینن و بهرههمدئینن و گۆت ژى "هژیرا ئاكرێ ل ههموو بازاڕێن نافخوه دهێته فروتن و رێژهییهكا باش ژى دهێته رهوانهكرن بۆ دهۆك و ههولێر و پارێزگههێن دى، جهێ داخێ یه كۆرۆنایێ كارتێكرن ل سهر بهایێ هژیرێ كریه، بهلێ ئهگهر بچته دهڤهرێن سهر ب موسل و عیراقێ دێ جارهكا دن بهایێ وێ بلند بیت و جوتیار ژى زیاندار نابن"
پشكهكا زۆر ژ جوتیاران، بهرههمێ هژیران دكهن مورهبا یان هشك دكهن، د وهرزێن دن یێن سالێ بكاردئینن و دفروشن.