پارێزگارێ دهوكێ پێشوازی ل بەرپرسێ رێكخراوا تەندروستی یا جیهانی WHO ل عیراقێ كر، د رونشتنەكێ دا بەحسێ رەوشا ساخلەمیێ و رێكارو رێنمایین خوپارێزیێ ئەوێن ژلایێ ژورا ئوپەراسیونا و رێڤەبەریا گشتی یا ساخلەمیێ ل پارێزگەهێ هاتینە بجهئینان ژبو كێمكرنا بەڵاڤبونا ڤایروسێ كورونا ب گشتی هاتە كرن.
پێك هاتینە ژ تەختێن جافدێریا چر و كەلوپەلێن خو پاراستنێ بو نوژدار و توشبویان
بەرپرسێ رێكخراوا WHO رولێ پارێزگەرێ دهوكێ و تیمێ دگەل دا و ساخلەمیا دهوكێ بەرز نرخاند دەربارەی وان هەولێن بەردەوام ژبو پاراستنا گیانێ هاولاتیان ژ فایروسێ كورونایێ هەروەسا ژبو هەماهەنگیا بەردەوام ل گەل هەموو لایەنێن پەیوەندیدار وپشتەڤانیا سازیا خوە ژی دوپاتكر.
ژلایێ خۆڤە عەلی تەتەر، پارێزگارێ دهوكێ سوپاسیا سەروكێ رێكخروا نافهاتی كر ل دور هەڤكاریكرنا وان یا بەردەوام ل گەل كارگێریا پارێزگەهێ و تیمێن ساخلەمیێ ، سوپاسیا رێكخراوا ساخلەمیا جیهانی كر هەمیەر ئەو هاریكاریێن ئەڤرو ب بوهایێ 270 هزار دولاران بو ساخلەمیا پارێزگەهێ دابینكرین كو پێك هاتینە ژ چەند كەولوپەلێن گرنگ وەكو تەختێن جافدێریا چر و كەلوپەلێن خو پاراستنێ بو نوژدار و توشبویان.
جهێ ئاماژەپێكرنێ یە شاندا رێكخراوا ناڤبری ژ نێزیك سەرەدانا نەخوشخانا لالاڤ یا تایبەت ب چارەسەركرنا تووشبوویێن كۆرۆنایێ ژی كر و ل ۆێرێ هاریكاری پێشكێشكرن.