بەڕێوەبەرایەتی گشتی كەشناسی و بوومەلەرزەزانی هەرێمی كوردستان ڕای دەگەیەنێت، ئاسمان هەور و نیمچەهەور دەبێت و ئەگەری نمەباران هەیە.
ئەمڕۆ سێشەم یەكی ئەیلوول، بەڕێوەبەرایەتیی گشتیی كەشناسی و بوومەلەرزەزانی هەرێمی كوردستان بڵاوی كردووەتەوە، ئەمڕۆ و سبەی لە سەرجەم پارێزگاكان ئاسمان لە نێوان پەڵەهەور و نیمچەهەور دەبێت.
ئەمڕۆ و سبەی ئەگەری كەمێك بارانبارین لە ناوچە شاخاوییە سنوورییەكان هەیە
ئەو بەڕێوەبەرایەتییە باسی لەوەش كردووە، ئەمڕۆ و سبەی ئەگەری كەمێك بارانبارین لە ناوچە شاخاوییە سنوورییەكان هەیە.
ڕوون كراوەتەوە، پلەكانی گەرمی دادەبەزێت و خێرایی باش كەم دەبێتەوە بۆ 15 كیلۆمەتر لە سەعاتێك.
پێشبینی كەشناسی و بوومەلەرزەزانی هەرێمی كوردستان لەكاتێكدایە، لەماوەی چەند ڕۆژی ڕابردوو شەپۆلێكی بارانبارین هەرێمی كوردستانی بەتایبەت سنووری دهۆكی گرتەوە.
هەرێمی كوردستان كاریگەرە بە كەشوهەوای دەریای ناوەڕاست و دەریای سوور، ساڵانە بڕێكی زۆر بارانی لێ دەبارێت و ساڵی 2018 زیاتر لە دوو هەزار ملم بارانی لێ باری.