ڤه‌شارتنا مریان ب ڤایرۆسا كۆرۆنایێ ئێكه ژ بابه‌تێن هه‌رى گرنگ كو ل ڤێ داویێ ل پارێزگه‌ها دهۆكێ سه‌رهلداى و وه‌لاتى زوو ب زوو نه‌شێن ڤه‌شێرن، له‌وا ساخله‌میا دهۆكێ و ئێكه‌تیا زانایان ل بارا ڤه‌شارتنا مریان كوبوو و بریار دا كو مرى ب گوره‌ى پێرابوونێن خوه‌پاراستنێ بهێنه ڤه‌شارتن.
مه‌لا جیهاد دوسكى، سه‌رۆكێ لقێ دهۆك یێ ئێكه‌تیا زانایێن كوردستانێ دیاركر كو ئه‌وان ل گه‌ل ساخله‌میا دهۆكێ كومبوونه‌كا تایبه‌ت ئه‌نجام دا و دانوستاندن ل سه‌ر چه‌وانیا ڤه‌شارتنا ته‌رمێ وان كه‌سان كر كو ب ڤایرۆسا كۆرۆنایێ گیانێ خوه ژ ده‌ست دده‌ن.
زێده‌تر گۆت "دیاره مرن ب ڤایرۆسا كۆرۆنایێ ل ڤێ داویێ گه‌هشتیه پارێزگه‌ها دهۆكێ و هژماره‌كا زۆرا تووشبوویان مرنه، له‌وا داكو وه‌لاتى بهێنه پاراستن، تیم بو ڤه‌شارتنا وان هاتنه پێكئینان، دیاره ب گوره‌ى رێكخراوا ساخله‌میا جیهانى تووشبوو پشتى گیانێ خوه ژ ده‌ست دده‌ن مه‌ترسا ڤایرۆسا كۆرۆنایێ ل سه‌ر نامینیت، به‌لێ ل گه‌ل هندێ ژى مه د كومبوونێ دا بریار دا كو مرى ژلایێ ساخله‌میا دهۆكێ ڤه بهێته تافیلكرن و ڤه‌گوهاستن بۆ سه‌ر گورستانان، بكه‌نه ناڤا كیسا و سێته‌كێ جلوبه‌رگ و ده‌ستكێش و ماسك و سه‌دریان ل گه‌ل بده‌ن داكو مریشوو بشێت بێ ئاریشه مرى بشووت و پاشان بهێته ره‌وانه‌كرن بۆ گورستانێ، چوو مه‌ترسى نینه كو مرى ل بن پێرابوونێن خوه‌پاراستنێ نڤێژ ل سه‌ر بهێنه‌كرن و پاشان ڤه‌شارتن"
ل پارێزگه‌ها دهۆكێ شه‌ش هزار و 696 كه‌س تووشى كۆرۆنایێ بوینه، ژ وان 99 تووشبوویان گیانێ خوه ژ ده‌ستدایه، دیسان تدوو هزار و 423 ووشبوو ژى چاكبوینه.
دهۆك، نه‌وزاد هلۆرى