ل زڤستانا سالا بوری، وشه د لایڤه‌كێ دا خراپبوون و ژێرئاڤبوونا پرا سپنه‌ی ل ناوچه‌دارییا دێره‌لووكێ كو ل سه‌ر رووبارێ سپنه‌ی هاتیه چێكرن به‌لاڤكربوو، د نوكه دا بریارا چێكرنا وێ ژلایێ حوكمه‌تا هه‌رێما كوردستانێ هاتیه‌دان.
پرا سپنه ئێكه ژ وان پرێن كه‌ڤن و پیاده یە
سامی ئوشانه، رێڤه‌به‌رێ ناوچه‌دارییا دێره‌لووك بۆ "وشه" گۆت، پرا سپنه ئێكه ژ وان پرێن كه‌ڤن و پیاده یە ل سه‌ر رووبارێ سپنه‌ی کو چەمێن شێرانکی ب سەنتەرێ ناحیێ ڤە گرێدەت.
زێده‌تر گۆت "جهێ داخێ یه ل بهارا ئەڤ سالە ژ ئه‌گه‌رێ بلندبوونا ئاستێ ئاڤا رووباری و دروستبوونا له‌هی و لافاوان، پر كه‌فته د رووباری دا و خراپ بوو، ژبه‌ر گرنگی یا پرێ كو رێیا سه‌ره‌كی یا پشكه‌كا زۆر یا جوتیار و وه‌لاتیانه، حوكمه‌تا هه‌رێما كوردستانێ بریار دا كو پر بهێته چێكرن ڤه"
ناڤبری دیاركر ژی كو كوژمێ 102 ملیون دینار بۆ هاتینه ته‌رخانكرن و گۆت ژی "به‌ری نوكه تنێ پیاده‌بوو، به‌لێ نوكه دێ ب درێژاهیا 20 مه‌تر و ب فره‌هیا پێنج متران هێته چێكرن، ژبلی پیاده ترومبێل ژی دشێن هاتن و چونێ ل سه‌ر بكه‌ن و دێ بیته كونكرێت"