ئەمڕۆ كە نەوەتەمین ساڵوەگەڕی رۆژی نیشتمانی سعوودیەیە و بەو بۆنەیەوە گەورەترین رێوڕەسم لەو وڵاتە بەڕێوە دەچێت، ئیسرائیل بەهەمان بۆنە پیرۆزبایی بۆ سعوودیە بە شا و گەلەوە دەنێرێت.
جوانترین پیرۆزبایی بۆ شا و گەل و حكوومەتی سعوودیە دەنێرین
پێگەی "
ئیلاف" ئەمڕۆ چوارشەم 23ی ئەیلوول بڵاوی كردووەتەوە، بەبۆنەی رۆژی نیشتمانیی سعوودیە كە ئەمساڵ نەوەتەمین ساڵیەتی، ئیسرائیل لەڕێی وەزیری دەرەوەی وڵاتەكەی، پیرۆزباییەكی تایبەت بۆ شا و گەل و حكوومەتی سعوودیە دەنێرێت.
پێگەكە زیاتر نووسیویەتی، وەزیری دەرەوەی ئیسرائیل لەڕێی تویتەرەوە بۆ سعوودیە نووسیویەتی، "بەبۆنەی رۆژی نیشتمانیی سعوودیە، جوانترین پیرۆزبایی بۆ شا و گەل و حكوومەتی سعوودیە دەنێرین".
زیاتر نووسیویەتی "بەهیواین ئەو بۆنەیە بە خێر بەڕێوە بچێت و پیرۆزباییتان لێ دەكەین، بەو هیوایەی ئاشتی و هاوكاریی لە نێوانمان بەرقەرار بێت".
بەڕێوەچوونی رۆژی نیشتمانی سعوودیە لەكاتێكدایە، ناوچەكە چەندان رووداو بەخۆیەوە دەبینێت، لەلایەكەوە هەندێك وڵاتی ئەنجوومەنی كەنداو پێوەندییەكانیان لەگەڵ ئیسرائیل بەرەوپێش دەبەن، لەناویاندا ئیمارات و بەحرێن. چاوەڕوان دەكرێت چەندان وڵاتی تری عەرەبیش بەهەمانشێوە پێوەندییەكانیان لەگەڵ ئیسرائیل ئاسایی بكەنەوە.