ناوەندی ڕۆشنبیری مەم و زین یەکەمین فیستیڤاڵی ساڵانەی خۆی ساز دەکات

:: PM:04:10:09/10/2020 ‌
لە پێناو زیاتر گرنگیدان بە زمان و وێژە و فەرهەنگی کوردی ناوەندی ڕۆشنبیری مەم و زین، یەکەمین فیستیڤاڵی ساڵانەی خۆی لە دووەمین ساڵیادی دامەزراندنی خۆی ساز دەکات.

ئه‌مڕۆ هه‌ینى نۆى تشرینى یه‌كه‌م، به‌پێى ئه‌و ڕاگه‌یه‌ندراوه‌ى له‌ ناوەندی ڕۆشنبیری مەم و زین ده‌ست "وشه‌" كه‌وتووه‌ تێیدا هاتووه‌، "لە پێناو زیاتر گرنگیدان بە زمان و وێژە و فەرهەنگی کوردی ناوەندی ڕۆشنبیری مەم و زین، یەکەمین فیستیڤاڵی ساڵانەی خۆی لە دووەمین ساڵیادی دامەزراندنی خۆی ساز دەکات."

ڕوونكراوه‌ته‌وه‌، "یەکەمین فیستیڤاڵی ساڵانە ناوەندی ڕۆشنبیری مەم و زین، ئه‌مڕۆ هه‌ینى سه‌عات شه‌شى ئێواره‌، لەژێر درووشمی (دا خەلقی نەبێژتن کو ئەکراد - بێ مەعریفەتن، بێ ئەسڵ و بنیاد)، له‌ پارێزگاى ھەولێر، له‌ بازاڕى داون تاون، نھۆمی دووەم، خانەی f59  له‌ناو کتێبخانەی مەم و زین به‌ڕێوه‌ده‌چێت".

ئاشكرا كراوه‌، هاتن بۆ هه‌مووانه‌ و بەرنامەی فیستیڤاڵ، به‌ گوتەی بەخێرهاتن و خوێندنه‌وه‌ى ڕاپۆرتی کار و چالاکییەکانی ساڵێکی مەم و زین، دواتر بەخشینی خەڵاتی ڕێزلێنانی ساڵانە و گوتەی کەسایەتی و ڕۆشنبیران دەربارەی مەم و زین به‌ڕێوه‌ده‌چێت، هه‌روه‌ها بەخشینی دیاری بە ئامادەبووان و چەند پارچە مۆسیقایەک ده‌ژه‌نرێت.




وشە - محەمەد میران

ئه‌م بابه‌ته 116 جار خوێنراوه‌ته‌وه‌‌