ئهڤرۆ ب بهرههڤبوونا پارێزگارێ دهۆكێ دهست ب قێركرنا لایێ دوویێ ژ 15كم رێیا جوتسایدا سێمێل بۆ زاخۆ ل نێزیك ناوچهدارییا باتێلێ هاتهكرن و چهند رۆژێن بهێت دێ كهڤیته د خزمهتا شوفێران دا، پارێزگارێ دهۆكێ دیاركر كو د نوكه دا كار ل سهر چوار رێیێن جوتساید و ستراتیجی دهێنهكرن.
عهلی تهتهر، پارێزگارێ دهۆكێ ل گهل هژمارهكا رێڤهبهرێن پهیوهندیدار سهرا پرۆژێ رێیا ستراتیجی و جوتساید دناڤبهرا ههردوو دهڤهرداریێن زاخۆ و سێمێل ل نێزیك ناوچهدارییا باتێلێ كر كو بریاره چهند رۆژێن بهێت بكهڤیته د خزمهتا وهلاتی و شوفێران دا و نوكه لایێ دوویێ ژ رێیا ناڤبری دهێته قێركرن.
پارێزگارێ دهۆكێ د كونگرهییهكێ رۆژنامهڤانی دا دیاركر كو ژبلی رێیا ناڤبری ههڤدهم كار ل سهر چوار رێیێن سهرهكی و جوتساید و سترایجی ل پارێزگهها دهۆكێ دهێتهكرن و گۆت ژی"ههر ئێك ژ رێیا روڤیا و گوپال نوكه چویه د قوناغا دوماهیێ دا و چهند رۆژێن بهێت دێ هێتهڤهكرن كو درێژاهیا وێ 22كم، دیسان كار د چێكرنا رێیا گرشین بۆ سحێلا كو ئهو ژی رێییهكا گرنگ و جوتساید و سترایجیه دهێتهكرن، ئهڤرۆ رێیا جوتساید و گشتی یا سحێلا بۆ ئیبراهیم خهلیل بویه بهلێندهر كو ئهو ژی رێیهكا گرنگ و ستراتیجی یه، سهرۆكێ حوكمهتێ بریاردایه كو كار د چێكرنا رێیا جوتساید و ستراتیجی یا ئیبراهیم خهلیل ژی بهێتهكرن، ههموو ئهڤ رێیه ب گورهی مهرج و پێڤهرێن نیڤدهولهتی دهێنه چێكرن و دێ هێنه چێكرن"
پارێزگارێ دهۆكێ دیاركر ژی كو ئهو پرۆژێن بهری نوكه ماینه نێڤرو سهروكێ حكومهتێ رازیبونا خوه دیاركریه كو بهێنه توماكرن و ئهو كو پێكدهێن ژ پرۆژێن ئاڤ و كارهب وپهروهردێ و ساخلەمیێ.
رێیا دناڤبهرا زاخۆ و سێمێل كوژمێ پتری 36 ملیار دینار تێچوینه و دێ روودانێن ترافیكێ و ماوێ دناڤبهرا دهۆك و زاخۆ كێمكهت.
دهۆك/ نهوزاد هلۆری