کتێبی "ئەو بڕیارانەی ژیانت دەگۆڕن" بە کوردی بڵاو کرایەوە

:: PM:12:05:26/10/2020 ‌
کتێبی "ئەو بڕیارانەی ژیانت دەگۆڕن"ـی  هال ئیربان نووسەری ئەمەریکی لەلایەن فەیسەڵ خەلیل وەرگێڕدرایە سەر زمانی کوردی و بڵاو کرایەوە.

ئەمڕۆ شەموو 24ـی تشرینی یەکەم/ ئۆکتۆبەر، فەیسەڵ خەلیل نووسەر و وەرگێڕ سەبارەت بە کتێبی "ئەو بڕیارانەی ژیانت دەگۆڕن" کە تازە وەریگێڕاوەتە سەر زمانی کوردی، لێدوانێکی تایبەتی بە "وشە" دا.

فەیسەڵ خەلیل گوتی: کتێبی "ئەو بڕیارانەی ژیانت دەگۆڕن"ـی هال ئیربان نووسەری ئەمەریکی کتێبێکی بواری گەشەپێدانی مرۆییە، باس له‌ 15 ئامراز ده‌كات كه‌ وا ده‌كه‌ن ژیانى مرۆڤ بگۆڕێت و به‌ره‌و باشترى ببات، هه‌ر به‌شێكى تایبه‌ته‌ به‌ ئامرازێك.

زیاتر گوتی:  نووسه‌رى كتێبه‌كه‌ چه‌ندان كتێبى له‌ بوارى گه‌شه‌پێدانى مرۆیى هه‌یه‌ و له‌سه‌ر ئاستى دنیا ناوێکی ناسراوه‌.

فەیسەڵ خەلیل کتێبەکەی لە دووتوێی 318 لاپەڕەدا وەرگێڕاوەتە سەر زمانی کوردی، له‌لایه‌ن ده‌زگاى رۆسا بڵاو كراوه‌ته‌وه‌.


وشە - ڕێناس شابان

ئه‌م بابه‌ته 147 جار خوێنراوه‌ته‌وه‌‌