كارەبای شاری كەركووك لە پێدانی 20 سەعات نزیك دەبێتەوە فەرمانگەی كارەبای كەركووكیش ئاشكرای دەكات كە پێدانی كارەبا بەرەو باشی دەڕوات و محاویلەی یەدەگیشیان هەیە و بەشێك لە گەڕەكەكان 20 سەعات كارەبایان پێ دەدرێت.
ئەمڕۆ یەكشەم بە گوێرەی ئەو زانیارییانەی دراون بە "وشە" لە شاری كەركووك پێدانی كارەبای نیشتمانی لە 20 سەعات نزیك دەبێتەوە و لە ئەگەری بەكارهێنانی بەشێوەیەكی باش ئەوا سەرجەم گەڕەكەكانی شاری كەركووك ڕۆژانە 20 سەعات كارەبایان پێ دەدرێت.
لە زانیارییەكاندا هاتووە، ئێستا كێشەی محاویلە نەماوە لە شارەكە و پێدانی كارەبا لە 12 سەعات بەرزر كراوەتەوە بۆ نزیكەی 20 سەعات و چەند گەڕەكێكیش ڕۆژانە 20 سەعات كارەبایان پێ دەدرێت.
لەماوەی ڕابردوو شاری كەركووك هاوشێوەی شارەكانی تری هەرێمی كوردستان كێشەی سووتانی محاویلەی كارەبای هەبوو بۆیە پێدانی كارەبای نیشتمانی بەشێوەیەكی بەرچاو دابەزییبوو بۆ كەمتر لە 12 سەعات.