رێیا بهرۆشكا سهعدون ل دهۆكێ، ئێكه ژ رێیێن ستراتیجى و گرنگ، ههردوو ناوچهدارییێن باتیفا و مانگێش ل گهل پترى 100 گوندان پێكڤه گرێددهت، بهلێ ژ ئهگهرێ خراپبوونێ و هاتن و چونا ههموو جوره ترومبێلا ژ كاركهفتیه، لهوا خهلكێ دهڤهرێ ئهو رێیه ههمبهرى هاتن و چوونێ گرت، رێڤهبهرێ ناوچهدارییا مانگێش ژى بو "وشه" دیاركر كو د نوكه دا دووباره رێك هاته ڤهكرن.
موشتاق عسمهت، رێڤهبهرێ ناوچهدارییا مانگێش یا سهر ب پارێزگهها دهۆكێ بۆ "وشه" گۆت، پشتى كو رێیا سهرهكى یا بهرۆشكا سهعدون ژلایێ خهلكێ گوندى ههمبهرى شوفێر و وهلاتیان هاتیه گرتن، د نوكه دا هاتیه ڤهكرن و ئاریشا وان هاته چارهسهركرن.
زێدهتر گۆت "ب گورهى بهرنامێ بجهكرنا خزمهتگۆزاریان بۆ دهڤهرێ، پێشتر رێیا بهرۆشكا سهعدون هاتیه نوژهنكرن، ئهڤ ساله دووباره جارهكا دى هاته نوژهنكرن ڤه ژلایێ كومپانیا كاڤین گرووپ، ههر چهنده چهندین جاران ئهڤ رێیه هاتیه نوژهنكرن، بهلێ ژبهركو رێیهكا ستراتیجى یه و هژمارهكا دهڤهر و گوندان پێكڤه گرێددهت و هاتن و چونهكا زێده ل سهر ههیه، لهوا دڤێت چارهسهرییهكا باشتر بۆ بهێتهكرن ژ یا نوكه"
ناڤبرى دیاركر ژى كو ل نێزیك رێیا بهرۆشكا سهعدون كارگههێن چهكل و خیزى "رهمل و حهسو" ههنه و ترومبێلێن بارههلگر هاتن و چونهكا زێده ل سهر وێ رێیێ دكهن و دبیته ئهگهرێ ژ كاركهفتنا رێیا ناڤبرى و گۆت ژى "دنوكه دا رێیا بهرۆشكا سهعدون ههمبهرى شوفێرێن بارههلگر هاتیه گرتن كو ئهڤه داخوازیا سهرهكى یا خهلكێ دهڤهرێ بویه، ب تنێ ترومبێلێن بچوك دشێن هاتن و چونێ ل سهر بكهن"
بهرۆشكا سهعدون ب دوراتیا 25كم دكهڤیته باكوورێ رۆژئاڤایێ باژێرێ دهۆكێ و ئێكه ژ دهڤهرێن ئاڤهدان و هژمارهكا زۆرا گوندان ل دهڤهرێ ههنه.