ب مه‌ره‌ما خزمه‌تكرنا خه‌لكێ ده‌ڤه‌رێ و پشته‌ڤانیكرنا كه‌رتێ ئاڤه‌دانیێ مل ب ملێ حوكمه‌ت و جهێن شوله‌ژێ، وه‌لاتیه‌كێ ده‌ڤه‌را به‌رواری بالا یا سه‌ر ده‌ڤه‌را ئامێدیێ ل سه‌ر ئه‌ركێ خوه رێیه‌كا سه‌ره‌كی نوژه‌نکر.
دڤی واریدا، نه‌شوان بێتكاری، بۆ "وشه" گۆت، ب مه‌ره‌ما خزمه‌تكرنا خه‌لكێ ده‌ڤه‌رێ و خوشكرنا رێیا وه‌لاتیان و پشته‌ڤانیكرنا كه‌رتێ ئاڤه‌دانیێ ب تایبه‌تی رێیێن هاتن و چونێ، وه‌لاتیه‌كێ بناڤێ ئه‌حمه‌د موسته‌فا، رێیه‌كا سه‌ره‌كی نوه‌ژه‌نكر.
زێده‌تر گۆت "رێیا گوندێ دشێش ئێكه ژ رێیێن گرنگ و نێزیکێ چوار گوندان بخوڤە دگریت مینا گوندێ دشێش، گوندێ سەرەرۆ، گوندێ ئورە و گوندێ تلیەر، سالانه ل وه‌رزێ زڤستانێ ژ ئه‌گه‌رێ بارانان كێشه بۆ هاتن و چوون و شوفێرا دروست دبیت، له‌وا وه‌كو ئه‌ركه‌كێ نیشتمانی و مرۆڤایه‌تی ئه‌وی ئه‌ڤ رێكه نوژه‌نكر"
ناڤبری دیاركر ژی كو هه‌ركه‌سێ شیان هه‌بن دڤێت خزمه‌تا گه‌ل و وه‌لاتێ خوه بكه‌ت و زێده‌تر گۆت "كوردستان یا هه‌مووایه و دڤێت ئه‌م هه‌موو پێكڤه مل ب ملێ حوكمه‌ت و جهێن شوله‌ژێ هه‌ڤكاریا وه‌لاتێ خوه بكه‌ن و داخوازێ ل هه‌موو زه‌نگین و كه‌سانێن خودان شیان ژی دكه‌ین كو ئه‌و ژی ده‌ست ب خزمه‌تكرنا خه‌لكی بكه‌ن هه‌ر ئێك د بیاڤه‌كێ دا"
ده‌ڤه‌را به‌رواری بالا پێكدهێت ژ پتری 76 گوندان و ئێكه ژ ده‌ڤه‌رێن چیایی، سالانه ب ئه‌ركێ باران و له‌هیان كێشه بۆ هاتن و چونێ دروست دبن.