رێكخراوا ساخله‌میا جیهانى هه‌وا هوشیاركرنا وه‌لاتیان ژ ڤایرۆسا كۆرۆنایێ داوى ئینا و ئه‌ڤرۆ داوى چالاكى ب دابه‌شكرنا پترى چوار هزار و 500 ده‌مامكا ئه‌نجامدا، د سه‌ره‌دانا خوه دا بۆ دهۆكێ ساخله‌میا جیهانى دیاركر كو ل ڤان چه‌ند رۆژان مرن و تووشبوون ل هه‌رێما كوردستانێ به‌ر ب كێمبوونێ یه.
د كومبوونه‌كێ دا ل گه‌ل پارێزگارێ دهۆكێ، ئه‌دهه‌م اسماعیل، به‌رپرسێ رێكخراوا ساخله‌میا جیهانى WHO ل عیراقێ په‌سنا رولێ سازیێن ته‌ندورستى ل هه‌رێما كوردستانێ كر و ئه‌و پێرابوونێ، گرتینه‌به‌ر بو كێمكرنا به‌ڵاڤبونا ڤایروسێ كورونا گۆت "پێرابوونێن خوه‌پاراستن ژ ڤایرۆسا كۆرۆنایێ بوینه ئه‌گه‌ر كو به‌لاڤبونا ڤایروسێ كورۆنایێ ل پارێزگه‌ها دهۆكێ كێمتر بیت، هه‌روه‌سا رێژا مرنێ ژى كێمبویه وئه‌ڤ ئه‌نجامه جهێ خوشحالیا مه نه وه‌كو رێكخراوا WHO و دخوازین كو خه‌لكێ ده‌ڤه‌رێ پتر پێگریێ ب رێنمایێن خوه‌پاراستنێ بكه‌ین ب تایبه‌تى ل وه‌رزێ زڤستانێ و وه‌كو رێكخراوا ساخله‌میا جیهانى ژى به‌رهه‌ڤیێن خوه بۆ هه‌ر هاریكاریه‌كێ دیاردكه‌ین"
ژلایه‌كێ دنڤه، پارێزگارێ دهۆكێ، عه‌لى ته‌ته‌ر، سوپاسیا رێكخراوا ساخله‌میا جیهانى WHO ل عیراقێ كر ل دور ئه‌و خزمه‌تكاریێن مروڤایه‌تى ئه‌وێن پێشكێش دكه‌ن وخواست كو ئاستێ هاریكاریێن ته‌ندورستى پتر لێ بكه‌ن وبه‌رهه‌ڤیا پارێزگه‌هێ نیشان دا بو هه‌ر هه‌ڤكاریه‌كێ بو وێ یه‌كێ به‌رنامێن رێكخراوێ باشتر بهێنه ئه‌نجامدان.
پاشان ساخله‌میا جیهانى ب رێیا 30 تیما پێدڤیێن ساخله‌میێ كو پێكهاتبوون ل پوسته‌ر و پاقژكه‌ر و كه‌مامه‌یان دناڤا بازارێ دهۆكێ دا ل سه‌ر وه‌لاتیان دابه‌شكرن وه‌كو داوى هه‌وا هوشیاركرنا وه‌لاتیان ژ كۆرۆنایێ.