تورا ههماههنگى یا رێكخراوان ل ههرێما كوردستانێ ل باژێرێ دهۆكێ و ل ئوتێل ژیان كومبوونهكا بهرفرهه ئهنجام دا و تێدا دانوستاندن ل سهر چهند تهوهرهكان كرن ژ وانان پرسا چونا گهنجان بۆ دهرڤهیێ كوردستانێ، وشه دوماهى ئامارا وان بهلاڤ دكهت.
لاوین سهورى، سهرپهرشتیارێ تورا ههماههنگى یا رێكخراوان ل پارێزگهها دهۆكێ بۆ گۆت "ب مهرهما دیتنا رێیا چارهسهریهكێ بۆ چونا گهنجان بۆ دهرڤه، تورا ههماههنگى یا رێكخراوان ل ئوتێل ژیان ل باژێرێ دهۆكێ كومبوونهكا بهرفرهه ئهنجام دا و تێدا پێزانین و تادایێن چونا گهنجان بۆ دهرڤه بهلاڤكرن"
زێدهتر گۆت "دیاره كو ئهڤرۆ رهوشا ههرێما كوردستانێ د بارودوخهكێ ههستیار و نهخۆش دا دبوریت ب تایبهتى ژ روویێ ئابوورى و جڤاكى و سیاسى، ئهڤێ یهكێ كارتێكرنێ، نهرێنى ل سهر رهوشا ژین و ژیارا خهلكێ كوردستانێ دروستكریه و ل پهى ئهوان كارتێكرنان چهندین ئاریشه و كێشهیێن جڤاكى دروست بوینه، نوكه چونا دهرڤهیا گهنجان بابهتهكێ گرنگ یێ رۆژهڤا ههرێما كوردستان و پارێزگهها دهۆكێ یه، دیاره بلندبوونا رێژا گهنجان دناڤ ههر جڤاكهكێ دا ب رامانا ساخبوونا وى جڤاكى دهێته نیاسین، ب گورهى ژێدهران د نوكه دا 45% ژ پێكهاتهیا جڤاكێ ههرێما كوردستانێ گهنجان بخوڤه دگریت لهوا گرنگه ب بهرنامهیهكێ دارشتى خزمهتا وان گهنجان بهێتهكرن، بهلێ جهێ داخێ یه شوونا خزمهتكرنا وان د نوكه دا چونا گهنجان بۆ دهرڤه دهستپێكریه و دهێته بناڤكرن ب كوچا بێ ئومێدیێ، ژبهرڤێ گرنگه بهرى زێدهتر بچن، دڤێت دوڤچون ل سهر بهێتهكرن و چارهسهریا ههموو ئاریشهیێن وان بهێتهكرن"
ناڤبرى دیاركر كو ب گورهى دوڤچونێن وان یێن مهیدانى و قاچاخچى و ڤیزهیێن توركیا، تنێ د سێ ههیڤێن بورى دا 465 گهنج ل پارێزگهها ههولێرێ و 935 گهنج ل پارێزگهها دهۆكێ و هزار و 151 گهنج ژى ل پارێزگهها سلێمانیێ قهستا دهرڤهكریه و زێدهتر گۆت "ئهگهرێن سهرهكى یێن چونا گهنجان بۆ دهرڤه دزڤریت بۆ نهبوونا دهلیڤێن كارى ل كهرتێ گشتى و تایبهت دا، خراپبوونا رهوشا سیاسى و جڤاكى و نهبوونا باوهریێ دناڤبهرا ئالیێن سیاسى، تێكچونا رهوشا دارایى، نهبوونا چوو ئاسویێن گهش بۆ ئاینده، نهبوونا قانونێن پێدڤى كو د بهرژهوهندیا گهنجان دا بیت، ڤهقهتیانا گهنجان ژ ژیانهكا خوش، لهوا ئهم وهكو تورا ههماههنگى یا رێكخراوان ب رهنگهكێ زانستى و هویر دێ ل سهر دوڤچون و گڤاشتنێن خوه ل سهر جهێن شولهژێ بۆ چارهسهركرنا پرسا گهنجان بهردهوام بین"
ب گورهى داتایێ، رێكخراوا ئهلند بۆ دیموكراسیكرنا گهنجان و دهزگههێ خێرخوازى كوردستان 27 ژ وان گهنجێن چوینه ژ دهرڤه، چارهنڤیسێ وان نهدیاره و دوو ژ وان ژى گیانێ خوه ژ دهستدایه كو ئێك خهلكێ شێلادزێ یه و ئێك ژى خهلكێ باتیفایه، بهرى چهند رۆژان ژى دوو گهنجێن شێلادزێ، پشتى 20 رۆژێن زیندانێ ل وهلاتێ مسرێ هاتنه ڤهگهراندن بۆ شێلادزێ.