كوڕه‌ گه‌وره‌كه‌ی تره‌مپیش تووشی كۆرۆنا بوو

:: AM:09:55:21/11/2020 ‌
ئه‌نجامی پشكنینی كوڕه‌ گه‌وره‌كه‌ی دۆناڵد تره‌مپ سه‌رۆكی ئه‌مه‌ریكا پۆزه‌تیڤ راگه‌یه‌نرا.  گوته‌بێژی كوڕه‌كه‌ی دۆناڵد تره‌مپ گوتوویه‌تی ئه‌نجامه‌كه‌ سه‌ره‌تای هه‌فته‌ بووه‌ و له‌و كاته‌وه‌ خۆی كه‌ره‌نتین كردووه‌.  

به‌گوێره‌ی رادیۆ فه‌ردا، وه‌ك زیاتر خستیه‌ڕوو هێشتا هیچ نیشانه‌یه‌كی ڤایرۆسه‌كه‌ له‌سه‌ر جه‌سته‌ی دان تره‌مپ به‌دیار نه‌كه‌وتووه‌ و ته‌واوی رێنوێنییه‌كانی تایبه‌ت به‌ كۆرۆنا جێبه‌جێ ده‌كات.  

پێشتریش هه‌ریه‌ك له‌ دۆناڵد تره‌مپ، میلانیای هاوسه‌ری و بارۆنی كوڕه‌ بچووكیان تووشی كۆرۆنا بووبوون
پێویسته‌ بگوترێ پێشتریش هه‌ریه‌ك له‌ دۆناڵد تره‌مپ، میلانیای هاوسه‌ری و بارۆنی كوڕه‌ بچووكیان تووشی كۆرۆنا بووبوون، جگه‌ له‌مانه‌ ژماره‌یه‌ك له‌ راوێژكار و فه‌رمانبه‌رانی كۆشكی سپیش تووشی ڤایرۆسه‌كه‌ بوون. 

 ڤایرۆسه‌كه‌ دیسان له‌ ئه‌مه‌ریكا ته‌شه‌نه‌ی سه‌ندووه‌ و ژماره‌ی قوربانیان و تووشبووان به‌ خێرایی رووی له‌ هه‌ڵكشانه‌. دۆناڵد تره‌مپ به‌وه‌ تۆمه‌تبار ده‌كرێت له‌ رێگریكردن له‌م ڤایرۆسه‌ كه‌مته‌رخه‌م بووه‌ و به‌ یه‌كێك له‌ هۆكاره‌كانی دۆڕانی له‌ هه‌ڵبژاردن هه‌ژمار ده‌كرێت.  

له‌ دنیادا نزیكه‌ی 58 ملیۆن كه‌س تووشی كۆرۆنا بوون و ملیۆنێك و 377 هه‌زار كه‌سیش گیانیان له‌ ده‌ست داوه‌.  له‌ ئه‌مه‌ریكا سه‌رووی 12 ملیۆن كه‌س تووش بوون و زیاتر له‌ 260 هه‌زار كه‌سیش گیانیان له‌ ده‌ست داوه‌. 



وشە - سلێمان تاشان

ئه‌م بابه‌ته 1343 جار خوێنراوه‌ته‌وه‌‌