په‌رده‌ ل سه‌ر مونومێنتا شه‌هیده‌كێ شه‌رێ داعش هاته‌ راكرن

:: PM:04:38:22/11/2020 ‌
ب مه‌ره‌ما رێزگرتن ل خه‌بات و قوربانیدانا شه‌هیدێن شه‌رێ داعش، ئه‌ڤرۆ په‌رده‌ ل سه‌ر مونومێنتا شه‌هیده‌كێ دن یێ شه‌رێ داعش ل كومه‌لگه‌ها باگێرا یا سه‌ر ب دهۆكێ هاته‌ راكرن.

مه‌تین دوسكی‌، خودانێ چایخانا شه‌هیدان بۆ "وشه‌" گۆت، ئه‌ڤرۆ په‌رده‌ ل سه‌ر مونومێنتا شه‌هیده‌كێ دن یێ شه‌رێ داعش ل كومه‌لگه‌ها باگێرا یا سه‌ر ب دهوكێ هاته‌ راكرن.

زێده‌تر گۆت "ناڤێ شه‌هیدی‌ عه‌بدولحه‌مید عه‌لی‌ سولتان رێكانی‌ یه‌ و هه‌موو ژیێ خوه‌ ژ پێشمه‌رگایه‌تی‌ بوراند و خودان هێز و خه‌باته‌كا باش یا پێشمه‌رگایه‌تی‌ یه‌، ده‌ما هاتنا چه‌كدارێن داعش بۆ سنوورێ كوردستانێ، پێشمه‌رگێ ناڤبری‌ مل ب ملێن هه‌موو پێشمه‌رگه‌یان دكه‌ڤیته‌ د سه‌نگه‌رێن به‌ره‌ڤانیێ ژ ئاخا كوردستانێ، به‌لێ جهێ داخێ یه‌ ل رێكه‌فتی‌ 20/11/2015 ب ده‌ستێ په‌چه‌لێن داعشێ دهێته‌ شه‌هیدكرن"

دهێته‌ زانین شه‌هید عه‌بدولحه‌مید ل رێكه‌فتی‌ 18/2/1966 ژ دایكبویه‌ و د گه‌نجاتیا خوه‌ دا دبیته‌ پێشمه‌رگه‌، ل كومه‌لگه‌ها باگێرا دژیا.

دهۆك/ نه‌وزاد هلۆری‌


وشە - وشه‌

ئه‌م بابه‌ته 48 جار خوێنراوه‌ته‌وه‌‌