ددهما دوو حهفتیێن بورى ل سنوورێ پارێزگهها دهۆكێ، ژ ئهگهرێ روودانێن هاتن و چونێ پترى 50 كهس بوینه قوربانى، 11 ژ وان قوربانیان گیانێ خوه ژ دهستدایه، پرانیا ئهگهران ژى لهزاتى بوون.
ئازاد تهها، بهرپرسێ راگههاندنا هاتن و چونا پارێزگهها دهۆكێ دیاركر كو ددهما دوو حهفتیێن بورى دا پترى 50 كهس ل سنوورێ پارێزگهها دهۆكێ بوینه قوربانیێن روودانێن هاتن و چونێ و گۆت "11 ژ وان قوربانیان گیانێ خوه ژ دهست دایه و ئهوێن دن ژى ههموو بریندار بوون"
زێدهتر گۆت "هژمارا روودانان ژى 26 روودان بوون و ل دهڤهرێن جودایێن پارێزگهها دهۆكێ رووداینه، ژبلى زیانێن گیانى، ههڤدهم زیانێن زۆر یێن دارایى و ماددى ژى بهر شوفێر و وهلاتیان كهفتنه، پتریا ئهگهران ژى دزڤریت بۆ لهزاتیا لێخورینا ترومبێلێ"
ههر ئێك ژ رێیا دهۆك بۆ شێخان و ئاكرێ، دهۆك بۆ ئامێدیێ، دهۆك بۆ زاخۆ زورترین روودانێن هاتن و چۆنێ روویدانه، داوى روودان ژى گیان ژ دهستدانا دوو كهس و برینداربوونا كهسهكێ بوو ل رێیا دهۆك بۆ ناوچهدارییا فهیدیێ.