ئه‌ڤرۆ عه‌لى ته‌ته‌ر، پارێزا‌رێ دهۆكێ پێشوازی ل مستر جێرى، به‌رپرسێ رێكخراوا UNITAD ل عیراقێ و شاندێ ل گه‌ل دا كر، دهه‌ڤدیتنه‌كێ دا به‌حس ل ره‌وشا ئاواره‌یێن شنگالێ و به‌رنامێن رێكخراوا ناڤبرى و ڤه‌كولینێن وان یێن به‌رده‌وام ل سه‌رتاوانێن رێكخراوا تیرورستیا داعش ل دژى سڤیلێن شنگالێ ئه‌نجامداین هاته كرن.
به‌رپرسێ رێكخراوا UNITAD راپورته‌ك لدور كار و چالاكیێن رێكخراوێ پێشكێشى پارێزگارى كرن و گوت: (ئه‌م دوڤچونا تاوانێن داعش و ڤه‌كرنا گورێن ب كوم ل شنگالێ و جهێن دن به‌رده‌وام دكه‌ین، هه‌روه‌سا دوڤچونا زاروك و ژنێنێن ئێزدیان و تاوانێن ل دژى كاكه‌یى و مه‌سیحى و پێكهاته‌یێن دن دكه‌ین، سوپاسیا حكومه‌تا هه‌ریمێ وپارێزگه‌ها دهۆكێ دكه‌ین لدور به‌رده‌ستكرنا ئێمناهیێ بو كارێ تیمێن رێكخراوا UNITAD و دخوازین ئاستێ هه‌ڤكارى و هاریكارى پتر بهێنه‌كرن داكو تیمێن رێكخراوێ باشتر ئه‌ركێ خو ئه‌نجامده‌ن"
ژلایێ خوڤه پارێزگا‌رێ دهۆكێ گوت " ئه‌م كارێ رێكخراوا UNITAD ب گرنگى دهه‌لسه‌نگینین، دیاره گه‌له‌ك تاوان و جینوساید ل دژى گه‌لێ كورد هاتینه ئه‌نجامدان وه‌كو ئه‌نفالێن ره‌ش و كێمیابارانكرنا حه‌لبچه و به‌رزه‌كرنا هه‌شت هزار بارزانیان، دیسان جینوسایدكرنا كوردێن ئێزدى و ڤان تاوانا كارتێكرنا خوه یا سایكولوجى ودیموگراڤى ل سه‌ر خه‌لكێ هه‌رێمێ هه‌بویه، جهێ داخێ یه ئه‌ڤ هه‌موو تاوانه وه‌كو پێدڤى نه‌هاتینه دیكیومه‌نتكرن و دڤێت تاوانبار ژى بهێنه دادگه‌هكرن وبگه‌هنه سزایێ خوه بو وێ یه‌كێ ل پاشه‌روژێ چ لایه‌ن وگروپێن تیرورستى وێره‌كیێ نه‌ده‌نه خوه تاوان و جینوسیادا ل دژى خه‌لكێ سڤیل ئه‌نجامده‌ن"
زێده‌تر گۆت" پشته‌ڤانیا پارێزگه‌ها دهۆكێ بو به‌رنامێن رێكخراوا UNITAD دوپات دكه‌ین و یا دشیان دابین دخزمه‌تداینه"