دچارچوڤێ سهرهدانا مهسرور بارزانی، سهرۆكێ حوكمهتا ههرێما كوردستانێ، بریار ل سهر دروستكرنا هژمارهكا پرۆژێن جودایێن خزمهتگۆزاری هاتبوودان، ئهڤرۆ پارێزگارێ دهۆكێ رهزامهندی ل سهر هژمارهك ژ وان پرۆژان دا.
مللهت عسمهت، سكرتێرێ رۆژنامهڤانیێ پارێزگارێ دهۆكێ گۆت "پشتی كو مهسرور بارزانی، سهرۆكێ حوكمهتا ههرێما كوردستانێ سهرهدانا دهڤهرا ئامێدیێ ل پارێزگهها دهۆكێ كری، بریار ل سهر دروستكرنا هژمارهكا پرۆژان د چارچوڤێ بجهكرنا پلانانا حوكمهتا ههرێما كوردستانێ بۆ دروستكرن و گههاندنا پرۆژێن خزمهتگۆزاری بۆ دهڤهرێن جودا یێن پارێزگهها دهۆكێ، ئهڤرۆ دكتور عهلی تهتهر پارێزگهها دهۆكێ رهزامهندی ل سهر هژمارهك ژ وان پرۆژان دا).
زێدهتر گۆت "پروژه پرانیا وان قوتابخانهبوون كو ئهو ژی نوژهنكرنا 14 قوتابخانان ل سنوورێ ناوچهداریێن سهرسنك و بامهڕنێ و كانی ماسێ، نوژهنكرنا نههـ قوتابخانان ل ناوچهدارییا دێرهلووكێ، نوژهنكرن و بهرفرههكرنا پێنج قوتابخانان ل ناوچهدارییا شێلادزێ، نوژهنكرنا سێ قوتابخانان ل سهنتهرێ دهڤهردارییا ئامێدیێ"
سكرتێرێ رۆژنامهڤانیێ پارێزگارێ دهۆكێ دیاركر ژی كو كوگهه ژی دێ ل سهنتهرێ دهڤهردارییا ئامێدیێ هێته چێكرن و گۆت ژی "دێ پرۆژێ گههاندنا ئاڤا ئامێدیێ كو ل رووبارێ زیێ دهێتهكێشان، دێ ل گوندێ ئینشكێ بۆ ناوچهدارییا بامهڕنێ هێته كێشان"
دهۆك - نهوزاد هلۆری