بهڕێوهبهرایهتیی گشتیی كهشناسی و بوومهلهرزهزانی ههرێمی كوردستان له ڕاگهیهنراوێكدا پێشبینییهكانی خۆی بۆ دۆخی كهشوههوای ئهمڕۆ و سبهی شارهكانی باشووری كوردستان ڕاگهیاند.
له ڕاگهیهنراوهكهدا هاتووه، ئهمڕۆ چوارشهم باشووری كوردستان له ژێر كاریگهری بهرزه پاڵهپهستۆی توركیا دهبێ و له ههولێر و سلێمانی و دهۆك و كهركووك ئاسمان ساماڵ و پهڵه ههور دهبێ، بهرزترین پلهی گهرما 18 پله و نزمترین پلهش یهك پلهی سیلیزی دهبێ.
ههروهها سبهی پێنجشهم ئاسمانی كوردستان له ژێر كاریگهری بهرزه پاڵهپهستۆی توركیا دهمێنێتهوه، له ههولێر و دهۆك و سلێمانی ئاسمان ساماڵ دهبێ لهگهڵ ههندێك پهڵه ههور و له كهركووكیش ئاسمان ساماڵ و پهڵه ههور دهبێ، بهرزترین پلهی گهرما 19 پله و نزمترین پلهش یهك پلهی سیلیزی دهبێ.