دەمەکێ کێم بەری نوکە ژ ئەگەرەکێ نەدیار نەهـ خیڤەتێن ئاوارەیان ل کەمپا باجد کەندالا ل دەڤەرا پێشیابیرێ ل سنوورێ دەڤەردارییا زاخۆ سوتن.
ژێدەرەکێ ل کەمپا باجد کەندالا یا ئاوەریان بۆ "وشە" گوت، دەمەکێ کێم بەری نوکە ژ ئەگەرەکێ نەدیار ئاگر بەربویە هژمارەکا خیڤەتێن ئاوارەیان ل کەمپا باجد کەنادالا.
زێدەتر گوت "نەهـ خیڤەت ب تمامی سوتن، زیانێن ماددی ب حەفت خێزانان کەفتنە، بەلێ چوو زیانێن گیانی نینن وئاگر ژی ژلایێ تیمێن بەرەڤانیا باژێری هاتیە کونترولکرن"
کەمپا باجد کەندلا دکەڤیتە گوندێ باجد کەندالا یا سەر ب دەڤەرا پێشیابیرێ و نێزیکێ 14 هزار ئاوارەیێن شنگال و زومار تێدا دژین و دوماهیا سالا 2014ێ هاتیە چێکرن.
سالا بوری ژی پتری 30 خیڤەتێن ئاوارەیان ب ئەگەرێن جودا ل پارێزگەها دهۆکێ سوتنە.