كەشتییەكی بازرگانی رووسیا بە 15 سەرنشینەوە، لە دەریای رەش نوقم بوو و تیمەكانی دەریاوانی توركیا لە هەوڵی رزگاركردنی سەرنشینەكاندان.
سینان گونەر بەرپرسێكی باڵای پارێزگای بارتینی توركیا ئاشكرای كرد، ئەو كەشتییەی لە دەریای رەش لە نزیك سنوورەكانی توركیا نوقم بووە، كەشتی بازرگانییە و بۆ رزگاركردنی سەرنشینەكانی كەشتییەكە تیمەكان رەوانە كراون.
هیچ كام لە سەرنشینەكانی كەشتییەكە نوقمی ئاو بوون یان نا.
ئەو دەڵێ كەشتییەكە ئاڵای رووسیای لەسەرە، بۆیەش دەزانن هی ئەو وڵاتەیە و هێشتا نازانن هیچ كام لە سەرنشینەكانی كەشتییەكە نوقمی ئاو بوون یان نا.
بەگوێرەی
سپوتنیك، وەك بۆ میدیاكان خستوویەتەڕوو، سەرنشینەكانی كەشتییەكە سێ بەلەمی فریاكەوتنیان بەدەستەوە بووە و لەو سێ بەلەمەدان و پێویستییان بە فریاكەوتن هەیە. گونەر ئەوەشی خستووەتە ڕوو، دۆخی كەشوهەوا ناجێگیرە و تیمەكانی فریاكەوتن بە ئاسانی ناتوانن فریای ئەو لێقەوماوانە بكەون.
هێشتا دیار نییە ئەو كەشتییە رووسییەی لە دەریای رەش نوقم بووە، چ جۆرە بارێكی پێ بووە و مەبەستی بووە بەرە كام وڵات بارەكەی بگوازێتەوە.