ئەڤرۆ عەلی تەتەر پارێزگارێ دهۆکێ، ب بەرهەڤبوونا رێڤەبەرێ وەرزشی ل پارێزگەها دهۆکێ و سەروک و ئەندامێن دەستەیا کارگێریا یانا ئافرەتێن دهۆکێ، رێزلێنان و پیرۆزباهی پێشکێشی تیما یاریا فوتسالێ قارەمانا خۆلا پلا نایابا هەرێما کوردستانێ کرن.
دمەراسیمێن رێزلێنانێ دا پارێزگارێ دهۆکێ دپەیڤەکێ دا ئاماژە ب گرنگیا وەرزشێ و سەرکەفتنا یانا ئافرەتێن دهۆکێ دقارەمانیا فوتسالێ دا بلند نرخاند و گوت "هەوە ب تەکنیکەکا بلند و ب گیانەکێ پری لێبورین و وەرزشیی یاریی دکر، هیڤیدارین ئەڤ رحا لێبورینا وەرزشی دهەمی سێکتەراندا رەنگڤەدەت" .
زێدهتر گۆت "ئەم ل کارگێریا پارێزگەها دهۆکێ ل دویڤ شیانێن بەردەست هەولا پشتەڤانیا هەموو سێکتەران ددەین ژ وانان وهرزش" .
چریسك یونس، سەرۆکا یانا ئافرەتێن دهوکێ، سۆپاسیا پێشوازیا پارێزگارێ دهۆکێ و پشتەڤانیا وان بو کەرتێ وەرزشی کر، پاشان چهند رۆنکرنەک ل دۆر رەوشا یانێ و پێدڤیێن وان پشێشکێشکر.