هونهرمهند لوقمان كاڤلكى ئهڤه پترى 30 ساله كارێن هونهرى دكهت، بخودانێ چهند بهرههم و كلیپایه، بهلێ ههتا نووكه هێشتا د ڤیدیویان دا دهرنهكهفتیه، كاڤلكى بۆ "وشه" دیاركر كو دهستپێكا ئهڤ ساله ئهوى دوماهى بهرههمێ خوه بهلاڤكریه.
لوقمان كاڤلكى كو ئێكه ژ هونهرمهندێن بهرنیاس ل دهڤهرا ئامێدیێ زێدهتر گۆت، دهمهكێ زۆره ئهز مژولێ چێكرنا دوماهى بهرههمێ خومه، سوباس بۆ خودێ شیام ل دهستپێكا سالا نوو بهلاڤ بكهم كو پێكدهێت ژ حهفت تراكان و ههموو ژى ب شێوه و ستایلهكێ نوو هاتیه چێكرن و بهلاڤكرن، ئێك ژ وان كلیپا ل سهر شههیدكرنا خهلكێ دهڤهرێ یه ژلایێ بالهفرێن توركیا، بهرههم ب ههر ئێك ژ سوبحى سگێرى و محهمهد ههسن بهكرى هاتیه چێكرن، زیرهك مالتاى و كاوار عهلى كار تێدا كریه، بهحس ل ئهڤینیێ و ههستا نهتهوهى دكهت.
هونهرمهندێ ناڤبرى دیاركر ژى كو ههر ژ كهڤن دا ههتا نوكه ئهو ل سهر كارێ خوه یێ هونهرى بهردهوامه و زێدهتر گۆت "جهێ داخێ یه ههتا نوكه حوكمهت و جهێن شولهژێ ههڤكاریا هونهرمهندێن دهڤهرا ئامێدیێ ب گشتى و شێلادزێ تنهكریه، لهوا ئهم نهچارین ل سهر ئهركێ خوه ههر كارى بكهین وهكو خزمهت بۆ خهلكێ دهڤهرێ و هونهرێ دهڤهرێ"
ل بارا وێ یهكێ بوچى دكلیپ و بهرههمێن خوه دهرناكهڤیت، ناڤبرى گۆت، دهرنهكهفتنا من ناڤ كلیپان دا تنێ حهزه و من زێدهتر مهرهم خزمهتكرنا خهلكى یه ب رێیا كارێن هونهرى نهك خوه دهرئێخستن، بهلێ ناڤا بهرنامێن تێلهڤزیوونى و كوچ و دیوانان دهردكهڤم.