دەمەکێ کێم بەری نوکە قوتابیەکێ دناڤ ئێک ژ مارکێتێن باژێرێ دهۆکێ کێکەک کری ودناڤ دا حەب هەبوون، خودانێ مارکێتێ ژی هورکاریان بەحس دکەت.
ئەڤراز دهۆکی، خودانێ ئەو مارکێتا کو کێک فروتی و حەب دناڤ دا بوون، بۆ "وشە" گۆت، ئەڤرۆ ئێڤاری قوتابیەکێ ل مارکێتا من کێکەک کری و پاشان هەر ل مارکێتێ ڤەکر، بەلێ حەب دناڤ دابوون.
زێدەتر گوت، من کێک ل بازاڕێ دهۆکێ ییێن کوم کرینە و دناڤ مارکێتا خوە د فروشم، پشتی دیاربوونا حەبکا من بخوە تیمێن ساخلەمی و ئاسایش ئاگەهدارکرن داکو ڤەکولینێ و پشکنینان ل سەر بکەن.
ناڤبری دیارکر ژی کو کێک یا ئیرانی یە و دناڤ بازاڕی دا زورە و گوت ژی، دخوازین کو چاڤدێری ل سەر بازاڕی زێدەتر بیت ب تایبەتی بەرهەمێن ئیرانی داکو سلامەتیا ولاتیان یا بەرچاڤ و پاراستی بیت.
خودانێ مارکێتێ دوو وێنەیێن کێکێ بو وشە هنارتن و ناڤونیشانێن کێکێ ل سەر دیارن.