دەمەکێ زۆرە خەلکێ دەڤەرا ئاکرێ و بەردەەش ب گشتی و ناوچەیا کریستیانان ب تایبەتی چاڤەرێ دروستکرنا خزمەتگۆزاریان دکەن، ئەندامەکا پەرلەمانێ کوردستانێ ژی دیارکر کو هژمارەکا پروژان دێ هێنە دروستکرن.
روبینا تەیاری، ئەنداما پەرلەمانێ کوردستانێ دیارکر کو پشتی وان چەندین جاران داخوازیێن خەلکێ ئاکرێ و بەدەڕەش و ناوچەیێن کریستیانان گەهاندینە حوکمەتێ، د نوکە دا حوکمەتا هەرێما کوردستان و کارگێریا پارێزگەها دهۆکێ هاتنە سەر هێل و بەرسڤ دا.
زێدەتر گوت، ب کوژمێ شەش ملیار دیناران دێ هژمارەکا پروژان ل دەڤەرا ئاکرێ هێنە دروستکرن، ژ وانان ب کوژمێ ملیارە و 500 ملیون دیناران ل دەڤەرێن کریستیان تێدا ل سنورێ ناوچەدارییا دینارتە هێنە چێکرن.
ناڤبری دیارکر ژی کو پروژە پێکدهێن ژچێکرنا رێیا باکرمان بو بیلمەندێ و کەشکاوا ب درێژاهیا 11,5کم و زێدەتر ژی گوت، ژبلی ڤێ یەکێ دێ 13 پروژێن دن ژی ل دەڤەردارییا بەردڕەش ب کوژمێ چوار ملیار و 500 ملیوند دیناران هێنە چێکرن.