پشتی دروستبوونا قهیرانا دارایی ل ههرێما كوردستانێ، داخوازی لسهر كرینا پێدڤێن دهستێ دوو ب گشتی و جلوبهرگێن بالا ب تایبهتی زێده بویه، خودانێ بازارهكێ جلوبهرگێن بالا دیاركر كو كێمترین جلوبهرگێ بالا ب 250 دیناران و گرانترین ژی ب پێنج هزار دیناران دهێته فروتن.
سهردار عهبدولجهبار، وهلاتیهكه و مژولی كرینا جلوبهرگێن بالا بۆ "وشه" گۆت، جلوبهرگێن بالا ب تنێ ناڤه و دهمهكێ كێم ژلایێ هندهك كهسان هاتینه بكارئینان، ئهگهر ژ روویێ كوالێت و نویاتیێ ههر باش و نوێ یه، بهشهكێ زور یی َخێزانێن كوردستانێ ب تایبهتی پشتی كو قهیرانا دارایی ب سهر ههرێما كوردستانێ دا هاتی پێدڤیێن خێزان و زاروكێن خوه ب تایبهتی جلوبهرگان سهرهدانا بازارێ دهستێ دوو و بالا دكهن چونكی ئهرزانن.
زێدهتر گۆت "رهنگه جلوبهرگێ بالا ب كێر ههموو وهرزێن سالێ نههێت، بهلێ نسبهتی زڤستانێ زور گونجاینه چونكی وهرزێ سهرمایێ یه، ئهڤه زێدهباری بو بكارئینانا ناڤمالێ و ب رێڤهبرنا كاروبارێن ناڤمالێ ژی گهلهك باشن"
سعود خدر، خودانێ ئێك ژ بازارێن فروتنا جلوبهرگێ بالا ل پارێزگهها دهۆكێ بۆ "وشه" گۆت، پشتی قهیرانا دارایی ل ههرێما كوردستانێ دروست بوی، مه ب فهردیت كو بازارهكێ فروتنا جلوبهرگێ بالا ل ڤهكهین، د نوكه دا داخوازی ل سهر كرینا جلوبهرگێ بالا د وهرزێ زستانێ دا 70% بلند بویه و ئهرزانترین جلوبهرگ ب 250 دیناران و گرانترین جلوبهرگ ژی ب پێنج هزار دیناران دهێته فروتن"
زێدهتر گۆت "زێدهباری خهلكێ ههژار بهشهكێ زور ژ وان كهسێن كو سهرهدانا بازارێن جلوبهرگێ بالا دكهن، كهسانێن زهنگین و فهرمانبهر و ماموستانه، چونكی جلوبهرگێ بالا ئهسلی و جوان ژی ههیه و ئهرزان دهست دكهڤیت، پتری 80% ژ وان كهسێن كو سهرهدانا جلوبهرگێن بالا ژی دكهن ژنن چونكی ئهو زێدهتر دزانن جلوبهرگا ب ههلبژێرن ب تایبهتی بو زاروكێن خوه"
ناڤبری د درێژاهیا ئاخفتنێن خودا دیاركر ژی كو ژێدهرێ سهرهكی یێ هاتنا جلوبهرگێن بالا ئوروپا و ئهمریكا و بهشهك ژ وهلاتێن ئاسیایه و زێدهتر گۆت "پتری هزار دوكان و بازارێن فروتنا جلوبهرگێ بالا ل سنوورێ پارێزگهها دهۆكێ ههنه و ژێدهرێ ههمووان ژی ئێكه، چهنسێ دهستڤهئینانا جلوبهرگێن جوان دناڤ بالان دا بو وان كهسایه ئهڤێن كو دهستپێكا ڤهكرنا كارتونێن وان بهرههڤن"