پشتی كو ل دهستپێكا دهستكاربوونا كابینا نوو یا حوكمهتا ههرێما كوردستانێ بهرێ بناغهی بۆ چێكرنا هژمارهكا ئهندهرپاس و ئوڤهرپاسان ل جاددا بارزان ل دهۆكێ هاتینه دانان و ئێك ژ وان هاتیه ڤهكرن، بریار سوبههی ئهندهرپاسهكا دن ژی بهێته ڤهكرن.
ئیسماعیل موستهفا، بهرپرسێ راگههاندنا سهرۆكاتیا باژێرڤانیا دهۆكێ بۆ "وشه" گۆت، پشتی كو ژلایێ كابینا نوو یا حوكمهتا ههرێما كوردستانێ و لژێرچاڤدێریا مهسروور بارزانی، سهرۆكێ حوكمهتا ههرێما كوردستانێ، بهرێ بناغهی بۆ چێكرنا چهند ئهندهرپاس و ئوڤهرپاسان ل جاددا بارزان هاتینه دانان، كاركرن ب شێوهیهكێ بلهز و بهردهوام دهێتهكرن.
زێدهتر گۆت، بهری چهندهكێ ئێك ژ وان ئهندهرپاسێن نێزیك فهرماندا دهۆكێ دوماهی هاتیه و كهفیته د خزمهتا شوفێر و وهلاتیان دا، د نوكه دا كاركرن ل سهر ئهندهرپاسا نێزیك ئوتێلا ركسوس بهردهوامه و پتری 97% داوی هاتیه كو پێكدهێت ژ تونێل و جاددا ئوتوبان و دوو جادێن خزمهتگۆزاری و ئوڤهرپاسان.
كوژمێ پتری 34 ملیار دیناران د ئهندهرپاسا نێزیك ركسوس هاتینه مهزاختن
ناڤبری دیاركر ژی كو كوژمێ پتری 34 ملیار دیناران د ئهندهرپاسا نێزیك ركسوس هاتینه مهزاختن و زێدهتر گۆت، كوژمێ گشتیێ پارێ بۆ ئهندهرپاسێن جاددا بارزان هاتینه تهرخانكرن پتره ژ 73 ملیار دیناران ژلایێ حوكمهتا ههرێما كوردستانێ و ژلایێ كومپانیا كاڤین گرووپ دهێته چێكرن، دیاره هێلا بارزان ئێكه ژ هێلێن ههری گرنگ و ستراتیجی و دبیته شادهمارا باژێرێ دهۆكێ و هاتن و چونهكا زێده ل سهره ژبهركو رێیا نیڤدهولهتی یه دناڤبهرا توركیا و ههرێما كوردستان و عیراقێ ژی، ب چێكرنا وێ ێ چوار ترافیك هێنه لادان و هاتن و چون ئاسان بیت و رودانێن ترافیكێ كێم بن و سیمایهكێ جوان ژی دهته باژێرێ دهۆكێ.
بهرپرسێ راگههاندنا باژێرڤانیا دهۆكێ دیاركر ژی كو بریاره پشتی داوی هاتنا ئهندهرپاسا نێزیك ركسوس دهست ب چێكرنا ئهندهرپاسهكا دن بهێتهكرن و گۆت ژی، ئهو ئهندهرپاسه دێ ل نێزیك قوتابخانا سهفین هێته چێكرن ژبهركو ئهو دهڤهره زورا ب قهرهبالغه و ئاریشه بۆ هاتن و چونێ دروست دبن.
ب گورهی پێزانینێن وشه، بریاره سوبههی ئهندهرپاسا نێزیك ئوتێلا ركسوس ژلایێ كومپانیا كاڤین گرووپ بهێته ڤهكرن.