بەرزیی پەستانی خوێن یەكێكە لە حاڵەتە مەترسیدارەكان كە سەرەتایەكە بۆ نەخۆشییەكی درێژخایەن و نەخۆشییەكانی دڵ، ئەوكاتەی كەسێك پەستانی خوێنی بەرز دەبێت، رەنگە حەز بەوە نەكات دەرمان بۆ دابەزاندنی پەستانی خوێنی وەربگرێت، ماڵپەڕی
" AJC"، باسی 10 رێگا دەكات بۆ كۆنترۆڵكردنی بەرزی پەستانی خوێن بێ پێویستی وەرگرتنی دەرمان وەك لە خوارەوە:
یەكەم/ دابەزاندنی كێشی لەش، زیادی كێش هۆكاری راستەوخۆی زۆرێكە لە نەخۆشییە درێژخایەنەكان، بەپێی راپۆرتەكان دابەزاندنی یەك كیلۆگرام لە كێشی لەش، دەبێتە هۆی كەمكردنەوەی میلیمەترێك جیوە لە پەستانی خوێن.
یارمەتیدانی خەڵك و هەستكردن بە ئارامی پەستانی خوێن كەم دەكاتەوە
دووەم/ راهێنانی وەرزشی، رۆژانە 30 خولەك و هەفتانە 150 خولەك وەرزشكردن، دەبێتە هۆی كەمكردنەوەی یەك بۆ هەشت ملیمەتر جیوە پەستانی خوێن.
سێیەم/ خۆراكی تەندروست، دووركەوتنەوە لە فاست فوود و شیرینی و سوێری.
چوارەم/ كەمكردنەوەی سۆدیۆم لە خۆراك وەك خوێ و خۆراكی دروستكراو.
پێنجەم/ دووركەوتنەوە لە جگەرەكێشان.
شەشەم/ دووركەوتنەوە لە خواردنەوەی مادەی كحوولی.
حەوتەم/ كەمكردنەوەی مادەی كافایین.
هەشتەم/ دووركەوتنەوە لە هۆكاری هەڵچوون و رارایی و سترێس.
نۆیەم/ چاودێریكردنی پەستانی خوێن لە ماڵەوە.
دەیەم/ یارمەتیدانی خەڵكی دەوروبەر و هەستكردن بە ئارامی و رازیبوون كە پەستانی خوێن كەم دەكاتەوە.