ب مەرەماخزمەتکرنا خەلکێ دەڤەرێ و ل سەر راسپاردا مەسروور بارزانی، سەرۆکێ حوکمەتا هەرێما کوردستانێ، ئەڤرۆ دێ پتری 16 پروژان ب کوژمێ هەشت ملیار و 642 ملیون دیناران ل دەڤەرا ئامێدیێ هێنە چێکرن.
پرۆژە پێکدهێن ژ رێک وبان و ئاڤ وکارەب و قوتابخانە و کەرتێ ساخلەمی و چەندین پرۆژێن دی کو دێ ل دەڤەرێن جودایێن سنورێ دەڤەردارییا ئامێدیێ هێنە چێکرن.
گرنگترین ژ وان پروژان چێکرنا نەخۆشخانا هێتوت ل دێرەلووکێ ب کوژمێ 43 ملیون دولاران، چێکرنا رێیا گوندێن زێباریان ل شێلادزێ ب کوژمێ پتری 624 ملیون دیناران، چێکرنا ئاڤا بامەڕنێ ب کوژمێ پتری 602 ملیون دیناران ل گەل چەندین پرۆژێن دی.
چێکرنا ڤان پروژان ددەمەکێ دایە کو پێشتر مەسروور بارزانی، سەرۆکێ حوکمەتا هەرێما کوردستانێ ل نێزیک سەرەدانا دەڤەرێ کربوو، بریار ل سەر چێکرنا چەندین پرۆژان ل دەڤەرێ دا.
ب گورەی داتایێن کارگێریا پارێزگەها دهۆکێ، پرۆژێن دێ ل دەڤەرا ئامێدیێ هێنە چێکرن دبنە نێزیکێ 200 پرۆژین جودا ودێ ل هەموو د ناوچەداریێن سەر ب دەڤەردارییا ئامێدیێ هێنە چێکرن و کوژمێ گشتی ژی دبیتە پتری 80 ملیار دیناران.
ئەڤ پرۆژێن ل خوارێ ئەڤرۆ دێ بەرێ بناغەی بۆ هێتەدانان وکەڤنە دوارێ بجهکرنێ دا کو هندەک ژوان د قوناغێن چێکرنێ ژی دانە.