ئەندامەکێ پەرلەمانێ کوردستانێ د لاپەرێ خوەیێ تایبەت دا دیارر کو قەبارێ هاتنا شەش هەیڤان یا دەروازا ئیبراهیم خەلیل 600 هزار ترومبێلێن بارهەلگربویە، بەلێ ب گورەی ئامارێن کو تورکیا بخوە بەلاڤکری ئەڤ یەک هەموو شاشیە.
عادل خێرکی، بسپۆر د سیاسەت و کارگێریا گشتی یا تورکیا بۆ "وشە" گوت، ل هەردوو سالێن بوری،ژ ئەگەرێ کۆرۆنایێ بزاڤا بازرگانی دناڤبەرا هەرێما کوردستانێ و وەلاتێ تورکیا یا خورت نەبوو، لەوا ئەو ئامارێن کو دهێنە بەلاڤکرن شاشی تێدا هەنە.
زێدەتر گوت، ب گورەی بەلگەنامەیێن فەرمی یێن تورکیا ئالوگوریا بازرگانی کو ب هویری هەر تشت ژ سالا 2012ێ هەتا 2018ێ هاتیە دیارکرن کا چەند بارهەلگر هاتینە گۆمرکا ئیبراهیم خەلیل یا هەرێما کوردستانێ، بێگومان کو ئەڤ یەک ژی ب گورەی پلانا ستراتیژیا 2019 بۆ 2022ێ یا رێکخراوا نێڤدەولەتی یا بارهەلگران یا تورکیا.
ب گورەی ئاخفتنێن خێرکی، عەلی حەمە سالح، ئەندامێ پەرلەمانێ کوردستانێ د ڤیدیۆیەکی دا ل مالپەرێ خوە یێ فەیسبوکی دیارکر کو د ماوەیێ شەش هەیڤان دا 600 هزار بارهەلگر هاتینە کوردستانێ، بەلێ ب گورەی داتایێن تورکیا تێکرا هەر ژ 2012ێ هەتا 2018ێ رۆژانە هزار و 434 ترۆمبێلێن بارهەلگر ژ گۆمرکا خابوور یا تورکیا داخلی گۆمرکا ئیبراهیم خەلیل بووینە و د ماوەیێ شەش هەیڤان دا تێکرا 258 هزار و 120 بارهەلگر داخل گۆمرکا ئیبراهیم خەلیل بووینە و د نوکە دا ماوەیێ ڤان شەش هەیڤێن دوماهیێ دا 40 بۆ 50 هزار ترۆمبێلان کێم کرینە ل گۆرەی سالێن بۆری یێن کو بزاڤا بازرگانی تێدا خورت و گوت ژی، ب دیتنا من ئەڤ یەک تنێ مەرەم ئەوە کو دام و دەزگەهێن حوکمەتێ لەکەدار بکەت و بانگەشەییەکا هەلبژارتنایە.
عادل خێرکی د درێژاهیا ئاخفتنێن خودا دیارکر ژی کو ل سەرانسەرێ عێراقێ باشترین گۆمرکا کارێ خوە ب رێک و پێکی ئەنجام ددەت، گۆمرکا ئیبراهیم خەلیلە و گوت ژی، سەرۆک وەزیرێن عێراقێ و هەتاکو وەزیرێ دارایی یێ کوردستانێ کو ژ حزبا وی پەرلمانتاری یە، ئیبراهیم خەلیل ب باشترین گۆمرک دایە نیاسین،