ئهڤرۆ پارێزگارێ دهۆکێ ب کۆژمێ چوار ملیار و 113 ملیون دیناران، 12 پرۆژێن خزمەتگۆزاری دچوارچووڤێ رەزامەندیێن حکومەتا هەرێما کوردستانێ رەوانەی جێبەجێکرنێ کرن کو دێ ل هەموو دەڤەران بخوڤە گریت.
سکرتاریەتا رۆژنامەڤانی یا پارێزگارێ دهۆکێ دیارکر کو ئەڤرۆ ب بریارا د. عەلی تەتەر پارێزگارێ دهۆکێ 12 پروژێن نوو یێن خزمەتگۆزاری هاتنە رەوانەکرن بۆ بجهکرنێ کو دێ ل هەموو دەڤەران هنە چێکرن کوژمێ وان دبیتە چوار ملیار و 113 ملیون دینار.
زێدەتر گوت، پروژە جوراوجور و پکدهێن ژ چێکرنا جادێن نافخۆیی ل سەنتەرێ ناوچەداریا قەسروک، چێکرنا رێکێن نافخۆ ل کۆمەلگەها چرەی و چێکرنا رێکێن نافخۆ ل سەنتەرێ ناوچەداریا باعەدرێ، چێکرنا رێکێن نافخۆ لسنورێ ناوچەداریێن رزگاری و دەرکارێ، چێکرنا رێکێن نافخۆیی ل سەنتەرێ ناوچەداریا باتیفا و کۆمەلگەها بێگۆڤا، دیسان قێرکرن و کونکریتکرنا رێکێن نافخۆیی ل سەنتەرێ ناوچەداریا مانگێشکێ و کۆمەلگەها باگێرا.
هەر دیسان چێکرنا سۆلینەکا چوارگوشە ل تاخێ مالتا خوارێ ل سەنتەرێ باژێرێ دهۆکێ قێرکرن و کونکریتکرنا جادێن نافخۆیی ل کۆمەلگەها قەدش ب درێژاهیا 11کم و چێکرنا رێکا تاخێ کولانا قۆچا ب درێژاهیا 370م و چێکرنا شوستا ل سەنتەرێ دەڤەرداریا یٔامێدیێ، چێکرنا سولینەکا چوارگوشە ل تاخێ ماسیکێ سەنتەرێ باژێرێ دهۆکێ، چێکرنا جادێن نافخۆیی ل سەنتەرێ ناوچەداریا کەلەکچی، چێکرنا رێکا گوندێ باوەرکا کەعبێ و رێکا نافخۆیی ل گۆندێ سیارەتیکا و چێکرنا جوکێن یٔاڤدانێ ل گۆندێ سکرین و چێکرنا جۆکێن یٔاڤدانێ ل سیارەتیکا ل سنورێ ناوچەداریا سەرسنکێ.
د درێژاهیا وان پرۆژان دا هاتیە، چێکرنا رێکێن نافخۆیی ل گوندێن زێوە و کانی بەلاڤێ و کەلا شێخۆ و بابیرێ و غلبیشێ و گۆلێ و یٔەرزێ و چێکرنا رێکا سەرەکی یا گۆندێ یٔەرەدنا ل ناوچەداریا بامەرنێ، سەخبێریکرنا رێکێن نافخۆیی ل گۆندێ گوهەرزێ و گوندێ بەرچی و گوندێ بەلاڤە ل سنورێ ناوچەداریا دێرەلۆکێ.
پێشتر چەندین پروژێن جودا هاتنە راگەهاندن، ب گشتی ئەڤ سالە پروژێن هاتینە بجهکرن و د قوناغێن بجهکرنێ دا دگەهنە نێزیکێ 200 ملیار دیناران