هونەرمەندی عێراقی عەبدولڕەزاق مەجدی بەهۆی تووشبوونی بە كۆرۆنا و مانەوەی لە نەخۆشخانە بۆ ماوەی یەك هەفتە، ئەمڕۆ كۆچی دوایی كرد.
ئەمڕۆ پێنجشەم پێنجی ئاب،
میدیاكانی عێراق بڵاویان كردەوە، عەبدولڕەزاق مەجدی هونەرمەند و گۆڕانیبێژی عێراقی، بە ڤایرۆسی كۆرۆنا گیانی لە دەست دا.
ڕوون كراوەتەوە، ئەو هونەرمەند خەڵكی شاری بەسرەیە و دوای تووشبوونی بە كۆرۆنا، بۆ ماوەی یەك هەفتە لە نەخۆشخانەكانی هەولێر مایەوە و ئەمڕۆ كۆچی دوایی كرد.
عەبدولڕەزاق مەجدی یەكێكە لە دەنگە بەناوبانگەكانی عێراق و لە ساڵانی 1980 دەركەوتووە، لە تەلەڤزیۆنی بەسرە چەندان بەرهەمی تۆمار كردووە.
ئەو هونەرمەندە بەشداریی دەیان فێستیڤاڵی ناوخۆ و نێودەوڵەتی كردووە و لە دایكبووی ساڵی 1960ـی شاری بەسرەیە.