ئەو 260 دەفتەرێن ل مالەکا دهۆکێ هاتینە دزین هاتنە دیتن و ب گورەی پێزانینان چەند کەس ژی هاتینە گرتن.
ژێدەرەکێ ل نێزیک پولیسان دیارکر کو ئەڤرۆ ئێڤاری ئەو کوژمێ پارەیی ل دهۆکێ هاتە دیتن کو چەند رۆژێن بوری ل مالەکا دهۆکێ هاتبونە دزین.
ب گورەی پێزانینێن وشە، ئەو پارە ب دوراتیا کێمتر ژ کیلومەترەکێ ل وێ مالا پارێن وان هاتینە دزین هاتنە دیتن، پشتی دزیکەران ل مالا وان پارە دزینل گرەکێ نێزیک مالا وان ڤەشارتنە کو ب گرێ سوور دهێتە نیاسین.
هەر ب گورەی پێزانینێن وشە چوار کەس پشکدارن د دزیێ دا و چوو ژ وان ژی نەهاتینە ئاشکراکرن.
دوهی پولیسێن پارێزگەها دهۆکێ د کونگرەییەکێ رۆژنامەڤانی دا دیارکر کو ب گورەی ئاخفتنێن مالەکا دهۆکێ چوار کیلو زێڕ و 260 دەفتەرێن دولاری ل مالەکا دهۆکێ هاتنە دزین و ئەو یێ دوڤچونێ ل سەر روودانێ دکەن.
پێشتر ژی و بەری چوار سالان دزیەکا وەکو ڤێ یا مەزنل دهۆکێ هاتبوکرن و دزیکەر ب پارەڤە هاتنە گرتن.
ب گورەی پێزانینێن وشە دوو ژ وان کەسان یێن دڤێ دزیێ دا پشکدار خزمەتکارێن وان یێن جورجی بوون.