پشتی حەفت رۆژان، ئەڤرۆ دێ هەشتەمین فلمە فەستیڤاڵا دهۆک یا نیڤدەولەتی بدوماهی هێت و پاشان ئێڤاری خەلات ل سەر براوەیێن فەستیڤاڵێ هێنە دابەشکرن کو هژمارا وان 17 خەلاتن.
حەسەن عارف، بەرپرسێ راگەهاندنا هەشتەمین فلمە فەستیڤاڵا دهۆک یا نیڤدەولەتی بو "وشە" گوت، ئەڤرۆ دێ فەستیڤاڵ دوماهی هێت وخەلات ب سەر براوە وسەرکەفتیێن فەستیڤالێ هێنە دابەشکرن.
بەلکو دێ چالاکییەکا گرنگ یا هونەری دناڤ فەستیڤالێ دا هێتە نیشاندان
زێدەتر گوت، ئەڤرۆ چوو فلم ناهێنە نیشاندان، بەلکو دێ چالاکییەکا گرنگ یا هونەری دناڤ فەستیڤالێ دا هێتە نیشاندان، پاشان ل دەمژمێر 5ێ ئێڤاری دێ خەلاتێن فەستیڤاڵێ هێنە دابەشکرن، دەستپێکێ دێ باشترین ئەکتەرا کچ و باشترین ئەکتەرێ کور و باشترین فلم و ژوری و بێبریسکی هێنە دابەشکرن، پاشان دێ بەرنامێ خەلاتکرنێ دەستپێکەت کو بریارە هژمارەکا کەساتیێن حوکمی و حزبی ل هولا کونفرانسان ل زانکۆیا دهۆکێ ب رێڤە بچیت.
ناڤبری دیارکر ژی کو بەرنامێ فەستیڤالێ وەک هاتیە دارشتن ب رێڤەچو و گوت ژی، هژمارەکا زۆر یا وەلاتیان و خەلکی قەستا هولێن سینەمایێن نیشاندانا فلمان کرن و فلم ژی ل ئاست چاڤەروانیا وان بوون.
هەشتەمین فلمە فەستیڤاڵا دهۆک یا نیڤدەولەتی لروژا 15-11 دەستپێکریە و 94 فلمێن کورت و درێژ و بەلگە فلم ژ 30 وەلاتێن جیهانی کو 45 ژ وان کوردی بوون هاتنە نیشاندان ل هولێن سینەمایێن زانکۆیا دهۆکێ و دهۆک موول