دهمهكێ كێم بهری نوكه شهر دناڤبهرا دوو مالان ل سهنتهرێ دهڤهردارییا بهردهڕهش یا گرێدای پارێزگهها دهۆكێ روویدا و د ئهنجام دا دوو كهس برینداربوون، د نوكه دا پولیس مژولێ كونترولكرنا رهوشا شهری نه.
شاهد حالهكێ ل دهڤهردارییا بهردهڕهش بۆ "وشه" گۆت، دهمهكێ كێم بهری نوكه شهر دناڤبهرا دوو مالان ل دهڤهردارییا بهردهڕهش روویدا و د ئهنجام دا دوو برا هاتینه برینداركرن، برینا ئێك ژ وان ههردوو برایان گرانه و رهوشا وی خراپه.
زێدهتر گۆت، ئهگهرا شهرێ وان ههردوو بنهمالان ژی دزڤریت بۆ راگرتنا ترومبێلێن ژ جورێ ترێله، بهلێ پولیس گههشتینه جهێ روودانێ و بزاڤا كونترولكرنا رهوشا شهری دكهن و بیندارێن روودانێ ژی هاتنه رهوانهكرن بۆ نهخۆشخانێ.