ب مەرەما پاراستن و خزمەتکرنا خەلکێ هەژار و کێمدەرامەت، د درێژاهیا چالاکیێن خوە دا، ئەندامەکا پەرلەمانێ کوردستانێ دێ خانیێ مالەکا هەژار و خودان پێدڤیێن تایبەت ل شێلادزێ نوژەن کەت کو پێدهێن ژ دوو ئافرەتان.
گولستان نهێلی، ئەو ئەنداما پەرلەمانێ کوردستانێ یە بۆ "وشە" گوت، وەکو خزمەت و ئەرکەکێ مروڤایەتی دێ ئەرکێ نوژەنکرنا دوو ژورێن مالەکا هەژار و کێمدەرمەت، زێدەباری کو خودان پێدڤیێن تایبەتن نوژەن کەم کو نێزیکە ژناڤ بچیت و کارتێکرنەکا خراپ ل سەر ژیانا وێ خێزانێ کریە.
زێدەتر گوت، خانی ل کومەلگەها سیریێ یا سەر ب ناوچەدارییا شێلادزێ یە و یێ دوو خودان پێدڤیێن تایبەتە،د رەوشەکا خراپ دا دژین، لەوا داخوازێ ل جهێن شولەژێ و کەسێن خودان شیان دکەم کو هاریکاریێن باشتر بۆ ڤێ خێزانێ بکەن.
ئەو خێزانە پێکدهێن ژ دوو ئافرەتێن کێم ئەندام و رەوشا ژین و ژیارا وان باش نیە، خانیێ وان ب تمامی پێدڤی ب نوژەنکرنێ یە، بەلێ ژبەر رەوشا دارایی و نەبوونا شیانان هەتا نوکە نەشیانە دروست بکەن.