ب مەرەما پشتەڤانیکرنا وان گەنجێن ژ نوو خێزان پێکئینایی، وەلاتیەکێ دەڤەرا بەردەڕەش هژمارەکا پارچە زەڤیێن خوە ل سەر گەنجێن گوندێ دولێجان دابەشکرن.
ناسر حەسەن، وەڵاتییەکێ دەڤەردارییا بەردەڕشێ یە بۆ "وشە" گوت، ب مەرەما پشتەڤانیکرنا گەنجان و وان کەسێن ژ نوو خێزان پێکئینایی داکو بشێن ببنە خودان مال و خانی وەلاتییەکێ دەڤەردارییا بەردەڕەش چەندین پارچە زەڤی ل گوندێ دولێجانا مەزن ل سەر گەنجان داباشکرن.
زێدەتر گوت، ئەڤە چەندین جاران سالانە ئەڤ کەسە بناڤێ زەید محەمەد پارچە زەڤیان ل سەر گەنجان دابەش دکەت و هەتا نوکە ژ 100 پارچە زەڤیان دەبازبوو، ئەڤێ جارێ ژی پتری 10 پارچە زەڤی دابەشکرن.
ئەڤێ جارێ ژی پتری 10 پارچە زەڤی دابەشکرن.
ناڤبری دیارکر ژی کو ژبلی دابەشکرنا پارچە زەڤیان بێ بەرامبەر هەمان دەم دا بزاڤێ دکەت کو خزمەتگۆزاریێن وەکو ئاڤ و کارەب و جادە ژی بۆ وان دروست بکەت و گوت ژی، داخوازێ ل هەرکەسێ خودان شیان دکەین کو هەڤکاریا گەنجان بکەن داکو ئەو ژی بشێن ببنە خوان خێزان و خانی.
زەید ئێکە ژ کەساتیێن جڤاکی ل دەڤەرا بەردەڕەش و ئەو پارچە زەڤییێن کو وی دابەشکری نێزیکێ 75 وەرقێن دولاری دهێنە فروتن و پروسە زێدەتر وان کەسان بخوڤە دگریت کو ژ نوو هەڤژینی پێکئینایی، دیسان نێزیکێ 600 مەترێن پارچە زەڤیەکێ بو گورەپانا قوتابخانا هەمان گوند ژی بەخشی.