بریارە سوبەهی سپێدێ دەست ب دابەشکرنا 10 هزار کوبوونێن نەفتا مالان ل سەنتەرێ باژێڕێ دهۆکێ بهێتەکرن، بهایێ هەر بەرمیلەکا نەفتێ ژی 90 هزار دینارن کو ژلایێ عیراقێ هاتیە دیارکرن.
ئەڤراز رەشید، ژ قایمقامیا ناڤەندی یا دهۆکێ دیارکر کو سوبەهی سپێدێ دێ دەست ب دابەشکرنا پروسا نەفتێ ل نافەندا باژێرێ دهۆکێ هێتەکرن و بۆ "وشە" گوت، 10 هزار کوبوون ل سەر بریکارێن دابەشکرنا ئەرزاقی هاتینە بەلاڤکرن و وەلاتی دشێن سەرەدانێ بو بکەن داکو سوبەهی نەفتێ وەربگرن.
زێدەتر گوت، هەموو ئەڤ کوبوونە دێ ل گەڕەکا بەرۆشکێ ل دهۆکێ هێنە دابەشکرن کو ئێکە ژ گەرەکێن هەژار، ئەگەر کوبوون زێدەبوون دێ ل سەر گەرەکێن دن ژی هێنە دابەشکرن، وەلاتی دشێن سەرەدانا گورەپانا مزگەفتا مەلا شوکری بکەن کو دکەڤیتە پشت ئوڤەرپاسا دەستپێکا دهۆکێ ل رۆژهەلات.
بهایێ هەر بەرمیلەکا نەفتێ ژی 90 هزار دینارن.
ل بارا بهایێ نەفتێ ژی،ناڤبری گوت، بهایێ هەر بەرمیلەکا نەفتێ ژی 90 هزار دینارن.
دهێتە زانین کو حوکمەتا عیراقێ نەفت لسەر وەلاتیێن هەرێما کوردستانێ گرانکریە و کریە 90 هزار دینار، پێشتر ل دەڤەرێن چیایی حوکمەتا هەرێما کوردستانێ ب کوژمێ 55 هزار دیناران نەفت ل سەر وەلاتیان دابەشکریە.