بو دوڤچونا پرۆژێن خزمهتگوزاری ئهوێن ل سنورێ ناوچهداریا چهمانكێ سهر ب دهڤهرداریا ئامێدیێ ڤه دهێنه ئهنجامدان وزانینا پێدڤیێن خهلكێ دهڤهرێ ب کوژمێ پتری حەفت ملیار دیناران چەندین پروژە ل ناچەدارییا ناڤبری هاتنە ڤەکرن و بەرێ بنیاتی بو هاتنەدانان.
ژ وان پروژان ژی
- ڤهكرنا پرۆژێ نوژهنكرن ودابینكرنا ئامێرهتێن تاقیگههان بو ئامادهیا چهمانكێ یا تێكههل كو پێكدهات ژدابینكرنا ژمارهكا كومپیوتهر و مێزێن وان و 20 سپلێت وچار ئاڤ تهزینك و تانكێن ئاڤێ و نوژهنكرن و بویاغكرنا ئاڤاهیێ ئامادهیێ بكوژمێ پتری 130 ملیار دینارا پرۆژه ب پشتهڤانیا كومپانیا HKN و وهزارهتا سامانێن سروشتی هاتیه چێكرن.
- ڤهكرنا پرۆژێ رێیا سهرهكی چهمانكێ بو كانیك و ملبركا ب درێژاهیا 26كم بكوژمێ دوو ملیار دینارا پرۆژه ب پشتهڤانیا كومپانیا HKN وب ههڤكاری دگهل وهزارهتا سامانێن سروشتی هاتیه دورستكرن وپتری 10 گوندان دێ مفای ژێ وهرگرن.
- دانانا بهرێ بنیاتی بو سهخبێركرن و چێكرنا رێیا گوندێن چهم رهبهتكێ و بلمهندێ ب درێژاهیا 8,5كم بكوژمێ ملیارهك و 705 ملیون دینارا وخهلكێ ههشت گوندان دێ مفای ژێ بینن پرۆژه ل سهر بودجا پهرپێدانا پارێزگهها دهۆكێ دێ هێته چێكرن.
- ڤهكرنا باخچهكێ گشتی ل سهنتهرێ ناوچهداریا چهمانكێ بو خزمهتكرنا خهلكێ چهمانكێ پرۆژه ب پشتهڤانیا كومپانیا KNH وب ههڤكاری ل گهل وهزارهتا سامانێن سروشتی و پارێزگهها دهۆكێ بكوژمێ 120 ملیون دیناران هاتیه ئهنجامدان.
- سهرهدانا سهنتهرێ كومهلایهتی ل سهنتهرێ ناحیا چهمانكێ پرۆژه ب پشتهڤانیا كومپانیا HKN وب ههڤكاری دگهل وهزارهتا سامانێن سروشتی وپارێزگهها دهۆكێ ئاڤاهی بكوژمێ نێزیكی 250 هزار دولارا هاتیه ئهنجامدان .
دهۆک، نەوزاد هلۆری:
پارێزگاری دهۆکێ، د. عەلی تەتەر دیارکر کو پرۆژە ل سەر راسپاردێن مەسرور بارزانی سهروكێ حكومهتا ههرێما كوردستانێ وب پشتهڤانیا ههڤبهشێن مه ل كومپانیا (HKN) دهێنه ئهنجامدان بو خزمهتكرنا خهلكێ دهڤهرێ و ڤان پرۆژان چو قوتابخانه بیت یان رێك یان باخچه ههموو بو خهلكێ دهڤهرێ زور دگرنگن و بهرنامێ مه ل گهل ههموو كومپانیێن دن یێن بهرههمئینانا پترولێ ئهوه ئهڤ جوره پرۆژه بهێنه چێكرن ههروهسا دهلیڤێن كاری بو خوەجهێن وان دهڤهرا بهێته دیتن.
زێدەتر گوت: ئهو پرۆژێن ئهڤرو مه ڤهكرین و بهرێ بنیاتی بو دانای هندهك ژوان ب ههڤكاریا وهزارهتا سامانێن سروشتی وپشتهڤانیا كومپانیا HKN هاتینه دورستكرن ههروهسا هندهك ژی ل سهر بودجا پهرهپێدانا پارێزگههێ هاتینه چێكرن كوژمێ گشتی یێ بجهئینانا ڤان پرۆژان حەفت ملیار و 100 ملیون دینارن ، چوار ملیار ژلایێ وهزراهتا سامانێن سروشتی وكومپانیا ناڤبری هاتینه دابینكرن وپتر ژ سێ ملیار دینارا ژلایێ حكومهتا ههرێمێ هاتینه خهرجكرن وكاروانێ ئاڤادانكرنێ دێ یێ بهردهوامبیت.