دوهی و ئەڤرۆ پروسا دابەشکرنا نەفتا مالان ل سەنتەرێ باژێرێ دهۆکێ و زاخۆ دەست پێ کر، چەند کەسان ب رێیا فێلبازیەکێ هەر بەرمیلەکا نەفتێ چەند لیتر ژبەر دبرین، هەموو ئەو کەس هاتنە گرتن.
ژێدەرەکێ ژ قایمقامیا زاخۆ دیارکر کو ئەڤرۆ چەند کەس هاتنە گرتن کو نەفت ژبەر وەلاتیان دبرین پشتی کو ژ تیما بەلاڤکرنا نەفتێ یا قایمقامیازاخۆ وەردگرت.
زێدەتر گوت، بۆ هەر بەرمیلەکا نەفتێ پێنج بۆ 10 لیتر ژبەر دبرین و بخوە دبرن، لژنا دوڤچونێ ل قایمقامیا زاخۆ ژی پشتی ب فێلبازیا وان زانی، هەر زوو ئەو کەسە گرتن و رەوانەکرن بۆ دادگەهێ داکو ب سزایێ خوە بگەهن، دیسان ئەو بەهرانەفتێ یا ژبەر بەرمیلێ ژی دبری، جارەکا دی بۆ وەلاتیان زڤراندڤە.
ژێدەری دیارکر ژی کو ئەڤ فێلبازیە ب رێیا ئامیرەکێ داهاتەکرن پشتی کو ژلایێ وەلاتیان هاتینە هایدارکرن.
ل سنورێ دهۆک و زاخۆ ئەڤرۆ دەست ب دابەشکرنا نەفتا مالان هاتەکرن و نێزیکێ 15 هزار کوبوون هاتینە دابەشکرن و بهایێ هەر بەرمیلەکێ ژی 90 هزار دینارن.