ددرێژهیا چالاکیێن خوە دا، ئاسایشا زاخۆ باندەکێ چەند کەسی یێ ساختەکاری و بازرگانیکرن ب ماددێن بێهوشکەر و سەردابرنا وەلاتیان ب فروتنا گولچیسکان هاتنە گرتن.
ژێدەرەکێ ژ ئاسایشا زاخۆ بۆ "وشە"دیارکر کو د نووترین دوڤچون و لێگەریانێ دا، ئاسایشا زاخۆ شیا باندەکێ شەش کەسی بگرن.
زێدەتر،گوت، ئەڤی باندی کارێ ساختەکرنا مورێن حوکمەتێ و پارەی و بازرگانیکرن ب ماددێن بێهوشکەر ل گەل سەردابرنا گەنجان و وەلاتیان ب فروتنا گولچیسکێن وان دکر، هەموو ئەڤ کەسە ب بریارا دادوەری هاتنە گرتن و نوکە ژلایێ ئاسایشێ وەکو راگرتی نە هەتاکو دهێنە رەوانەکرن بۆ دادگەهێ.
ژێدەری دیارکر ژی کو بەری چەند رۆژان ژی هژمارەکا کەسێن دی ل زاخۆ سەرا بکارئینان و بازرگانیکرن ب ماددێن بێهوشکەر هاتنە گرتن و گوت ژی، ئەڤ باندێ نوکە هاتیە گرتن، هەموو خەلکێ سنورێ کارگێریا سەربخوەیی یا زاخۆنە ودناڤبەرا ژیێ25 بۆ 30 سالی دانە.