دەمەکێ کێم بەری نوکە بالەفرێن شەری یێن تورکیا سەرێ ئامێدیێ بۆردمان کر کو ب تنێ دوو کیلومەترا ل سەنتەرێ دەڤەردارییا ئامێدیێ دورە.
ژێدەرەکێ ل ئامێدیێ بۆ "وشە" دیارکر کو دەمەکێ کێم بەری نوکە بالەفرێن شەری یێن تورکیا ب دژواری سەرێ ئامێدیێ ل نێزیک هاڤینگەها بەرێ سیلێ بۆردمان کر.
ئەو جهێ هاتیە بۆردمان کرن ب تنێ دوو کیلومەترا ل سەنتەرێ دەڤەردارییا ئامێدیێ دورە
زێدەتر گوت، ئەو جهێ هاتیە بۆردمان کرن ب تنێ دوو کیلومەترا ل سەنتەرێ دەڤەردارییا ئامێدیێ دورە، ئەم ل تاقیکرنان بوین و دەنگێ وان ب سەر دەڤەرێ دا کەت، ترس ل دەڤ قوتابیان پەیداکر.
ژێدەری دیارکر ژی کو هەتا نوکە زیانێن بۆردمانێ نەدیارن و دەڤەر ژی یا داپوشی یە ب بەفرێ و سەرمایەکا زۆر ل دەڤەرێ هەیە.
د سالا نوێ دا ئەڤە جارا پێنجێ یە سنورێ دەڤەرا ئامێدیێ دهێتە بۆردمانکرن.