سەرۆکێ دەستەیا وەبەرھێنانێ یا حوکمەتا ھەرێما کوردستانێ سەرەدانا زاخۆ کر و ژلایێ سەرپەرشتێ ئیدارا سەربەخوەی یا زاخۆ ڤە ھاتە پێشوازیکرن، پاشان بەرێ بناغەی بۆ ئێک ژ پروژێن گرنگ یێن وەبەرهێنانێ ل زاخۆ هاتەدانان.
دڕوونشتن و هەڤدیتنێن خوەدا، ب دڕێژایی بەحسێ بابەتێ گرنگییا پرۆسا گەشەیا وەبەرهێنانێ و ئەنجامدانا پرۆژان هاتەکرن ب تایبەت ل سنۆرێ ئیدارا سەربەخوەی یا زاخۆ، سەرۆکێ دەستەیا ناڤبری دیارکر وەکو حوکمەتا هەرێما کوردستانێ و دەستەیا وەبەرهێنانێ دێ هاریکار و پشتەڤان بن بۆ ئەنجامدانا هەر پرۆژەیەکێ کو دخزمەتکرنا خەلکێ سنۆرێ ئیدارا زاخۆ دا بیت دێ هەموو ئاسانکارییان دەربرین ژبۆ بەرژەوەندییا گشتی.
گوهدار شێخو، سەرپەرشتێ ئیدارا سەربخوەیی یا زاخۆ د چارچوڤێ دانانا بەرێ بناغەی بۆ ئوتێلا ناڤبری گوت، حوکمەتا هەرێما کوردستانێ گرنگییەکا باش ددەت کەرتێ تایبەت و پێنگاڤێن هەری باش دڤی بواری دا هاڤێتینە و پشتەڤانەکی مەزنێ پێشخستنا وەبەرهێنەرایە ل هەرێما کوردستانێ، ژبۆ بەرژەوەندییا گشتی و ئاڤاکرنا کوردستانێ، بێ گۆمان پرۆژێ ئێکەم بەرێ بنیاتێ هۆتێلا کینگ ڕێکسۆز ، دێ بیتە ڤەکرنا دەرگەهەکێ بهێز بۆ گشت وەبەرهێنەران ل دەڤەرێ، ژبۆ خزمەتکرنا خەلکێ دەڤەرێ ل سنورێ ئیدارا سەربەخوەیی یا زاخۆ، هەلبەت دێ بیتە هاریکاری بۆ گەشەیا ئابوورییا وەلاتی و دەڤەرێ و مفا وەرگرتنا خەلکێ و ڕەخساندنا دەلیڤێن کاری و کێمکرنا ڕێژا بێکاریێ و دیسان دێ بیتە گەشەکرنا ڕوویێ باژێری و هەروەسا پێشڤەچوونا کەرتێ گەشتیاری.
زێدەتر گوت، جهێ دەستخوەشیێ یە کو وەبەرهێنەر خەلیل حەجی نەزیر، گرنگی دایە پرۆژێ ئاڤاکرنا بەرێ بنیاتێ هۆتێلا کینگ ڕێکسۆز، ل باژێرێ زاخۆ دخوازین د دەمێن بهێت دا بکەڤتە د خزمەتا گەشتیار و خەلکێ دەڤەرێ دا.