ئەڤرۆ ب بریارەکێ کولیژا پەروەردا بنیات ل ئامێدیێ ژبەر رەشا سەقایی و بەستیبوونا جاددێن سەرەکی و ل بەر چاڤ وەرگرتنا سلامەتیا قوتابیان بۆ دەما حەفتیەکێ خواندن کرە ئونلاین بۆ قوتابیێن دویر دهێن و ئەوێن ل بەشێ نافخوە ئاکنجی دبن.
ژێدەرەکی ژ قوتابین کولیژا پەروەردا بنیات ل ئامێدیێ بۆ دەزگەهێ رۆژنامەڤانێ "وشە" گوت، ژبەر سەرمایێ و تێکچونا کەشوهەوای و بەستیوونا جاددەیێن سەرەکی ئەم ژلایێ کولیژا خوە هاتینە ئاگەهدارکرن کو دەوام ل کولیژا پەروەردا بنیات ل ئامێدیێ بۆ دەما حەفتیەکێ هاتە راگرتن و نینە ب تایبەتی بۆ قوتابیێن کو دویرن و ل پشکێن نافخوەیی د مینن.
زێدەتر گوت، دڤێ حەفتیێ دا قوتابی دێ دەواما خوە یا ئاسایی ب رێیا ئونلاین کەن و هەموو ماموستا دێ وانەیان شروڤەکەن و قوتابی ژی خوینن و پشکداربن.
ئەوی قوتابی دیارکر ژی کو سەروک پشکێ وان ب رێیا گروپێ کولیژێ ئەو هایدارکرینە کو نەهێنە دەوام هەتاکو رەوش ئاسایی دبیت و سلامەتیا وان ل بەرچاڤ دگرن.
دەما سێ روژایە بەفرێ ژیان ل دەڤەرا ئامێدیێ راگرتی و ئاریشە بو دەوام و هاتن و چونێ دروستکریە، ل سەنتەرێ ئامێدیێ تری 50سم بەفر بارییە و ل گوندەوارێن وێ ژی نێزیکێ میترەکێ باری یە.