دەمێ سێ روژایە پارچەک ژ سترانەکا فولکلوری یا شنگال و ئێزدیان دناڤ تورێن جڤاکی دا بەلاڤبوی و ژ فولکلوری کریە کومێدی و هەستێن هزاران ئێزدیان شکاندینە، چالاکڤانەکێ ئێزدیان ژی ددەت دیارکرن کو یاریکرن ب فولکلوری ئێکسانە یاریکرن ب دیروکا مرۆڤاتیێ.
مەروان داود، چالاکڤانێ ئێزدی ل دهۆکێ دیارکر کو ب هەموو پیڤەر و ئاواییەکێ هێدی باژۆ فولکلورەکێ رەسەن یێ ئێبدیایە و گوت، جهێ داخێ یە د ئەڤێ مەملەکەتێ دا هەر تشت بویە یاریپێکرن، یاریپێکرنا ب فۆلکلوری ژی ئێکسانە ب یاریپێکرنێ ب دیرۆک و مێژوویا گەل و وەلاتی.
ئەگەر ئەو ستران ل سەر دەڤێ وان دەنگبێژان نەهاتبەنا گۆتن ڕەنگە ئیرۆ رۆژ مە چ تشتەک دەربارێ دیرۆکا باب و کالێن خوە نەزانیبا
زێدەتر گوت، گەلێ مە ب درێژاهییا دیرۆکێ ئیش و ئازار و ئەلەمێن دلێ خوە ، بگرە ژ کارەسات ومالوێرانی و دەربەدەری و کوشتن و فەرمان و ژناڤبرنێ ، پتریا وان ب سترانێ پاراستینە، ئەگەر ئەو ستران ل سەر دەڤێ وان دەنگبێژان نەهاتبەنا گۆتن ڕەنگە ئیرۆ رۆژ مە چ تشتەک دەربارێ دیرۆکا باب و کالێن خوە نەزانیبا، د نهو دا ل هەرێما کوردستانێ ئەڤ سترانا دیرۆکی یا بناڤێ هیدی باژۆ بوویە ترێند و کەتیە سەر دەڤێ زارۆک و گەنج و مەزنان دا، دسوشیال میدیایێ دا سڤکاتی پێ دهێتە کرن.
ناڤبری دیارکر ژی کو ئەوێن کەنێ خوە ب ئەڤێ سترانێ هیدی باژۆ دکەن ب راستی ژی ئەگەر ئەو پێداچوونەکێ د دیرۆکا خوە یا کەڤنار دا بکەن و دیرۆکا خوە باش بخوینن ئەز باوەر دکم و دوور نینە دەرکەڤێت کو ستران ل سەر وان نەهامەتی و فەرمانان بێت یێن ب سەرێ باب و کالێن
وان دا هاتین، لەوا دکارین بێژین کو ب راستی ژی کارەسەت ئەوا تراژیدیا ببێتە کۆمێدیا.